Kirish | A'zo bo'lish

«Nyukasl Yunayted» va «Blekbern Rovers» sobiq hujumchisi Alan Shirer o'zining premer-liga doirasida urgan 260ta goldan iborat rekordini kim yangilay olishi mumkinligi borasida to'xtalib o'tdi.

«Buning uchun yeng yaxshi imkoniyat Serxio Agueroda bor. Sababi u hujumkor va agressiv o'yin ko'rsatadigan jamoa safida to'p suradi. Birgina savol bor: argentinalik futbolchi faoliyatining so'ngiga qadar «Siti»da qoladimi? Agar qolsa, real imkoniyat bo'ladi», degan Shirer.

Hozirgacha «Manchester Siti» hujumchisi APL doirasida 112ta gol kiritishga muvaffaq bo'lgan.

Shuningdek, Shirer bu borada ingliz hujumchilarida ham imkoniyat bo'lishini hisobga olib, Keynni bu ro'yxatda favorit sanagan: «Harri Keyn ligada ajoyib debyut qildi deb hisoblayman. Agar u jiddiy jarohatlardan chetda yursa, bemalol APLning yeng yaxshi to'purarligi uchun kurasha oladi», – degan Angliya terma jamoasi sobiq hujumchisi.

Hozirda 23 yoshli Keyn hisobida 56ta gol mavjud. Shirer bu yoshida atigi 16ta gol kiritgan bo'lgan.

— deya xabar beradi Tribuna nashri.

Do`stlarbilan baxam ko`rish: