Shildiroq yuanlar uchun Xitoyni tanlagan yulduzlar: Ahmedovning yangi jamoadagi maoshi qancha?- UzFIFA.NET

Xayrli kun,Mehmon!
Soat:13:04

Tavsiya qilamiz:

Shildiroq yuanlar uchun Xitoyni tanlagan yulduzlar: Ahmedovning yangi jamoadagi maoshi qancha?

O'ZBEKISTON 30 Dekabr 2016, 22:15 562

Keyingi yillarda Xitoy chempionati vakillari shov-shuvli transferlarni amalga oshirishda faol bo'lmoqda. Bugun ham "Krasnodar" o'zbekistonlik yarim himoyachisi Odil Ahmedovning "Shanxay SIPG" klubiga transfer qilingani haqida rasman e'lon qildi. Norasmiy manbalarga ko'ra, ushbu transfer qiymati 8 mln evroni tashkil qildi.

29 yoshli bu futbolchi "Zenit"ning sobiq hujumchisi Xalk ("Shanxay SIPG"ga 2016 yil yozida o'tgan) va "Chelsi"ning sobiq yarim himoyachisi Oskar (23 dekabr kuni) bilan jamoadosh bo'ldi. Shanxayliklar jamoasini ayni vaqtda portugaliyalik mutaxassis Andre Villash-Boash boshqarmoqda.

Quyida Xitoy chempionatidagi eng ko'p maoshlarni oluvchi futbolchilar sanab o'tilgan.

Oskar ("Shanxay SIPG")

Braziliyalik bu futbolchi transferi uchun xitoyliklar 71 mln evro sarfladi. Uning yillik maoshi miqdori esa 18,5-21,5 mln evro.

Xalk ("Shanxay SIPG")

Bu hujumchi 2016 yilning yozida 55 mln evro evaziga Xitoy jamoasiga kelib qo'shilgandi. Turli manbalarga ko'ra, uning yillik maoshi miqdori 40 mln evro.

Aleks Teysheyra ("Tszyansu Sunin")

Yana bir braziliyalik. U Donetskning "Shaxtyor" jamoasidan 50 mln evroga xarid qilingan. Unga yiliga 10 mln evro miqdoridagi maosh tayinlangan.

Jekson Martines ("Guanchjou Evergrand")

Kolumbiyalik bu futbolchi 2016 yilning fevralida "Atletiko"ni pullarga almashgan. Uning uchun sobiq jamoasiga 42 mln evro to'landi. O'ziga 12,5 mln evro miqdorida yillik maosh.

Jervino ("Xebey Chayna Forchun")

Ivuarlik hujumchi "Roma"dan 2016 yil yanvarida 18 mln evro evaziga transfer qilingan. Maoshi miqdori - 8 mln evro.

Freddi Guarin ("Shanxay Shenxua")

Kolumbiyalik bu yarim himoyachi Xitoyga "Inter" safidan 10,5 mln evro evaziga tashrif buyurgan. Turli manbalarga ko'ra, u yiliga 7-8 mln evro oladi.

Esekel Lavessi ("Xebey Chayna Forchun")

Argentinalik hujumchi PSJ safidan shu yilning fevralida 10 mln evroga transfer qilingan. Maoshi - 13-15 mln evro.

Odil Ahmedov ("Shanxay SIPG")

OAV ma'lumotiga ko'ra ushbu futbolchining transfer qiymati 8 mln evroni tashkil qildi. Maoshi esa yiliga 4 mln evro. ("Krasnodar"da u yiliga 1,7 mln evro olardi).

— deya xabar beradi Tribuna nashri.

Do`stlarbilan baxam ko`rish: