Kirish | A'zo bo'lish

«Bavariya» jamoasi sardori Filipp Lam Qatarga qishki yig'inga jo'nab ketish oldidan jurnalistlar bilan gaplashdi. U 2018 yilda butsalarini mixga ilishni rejalashtirgani haqida gapirgan.

«Ayni vaqtda men shartnomamni oxirigacha o'tab berish haqida o'ylamoqdaman. Bu shartnomam muddati 2018 yilgacha. Shu bilan tamom», – degan 33 yoshli futbolchi.

Merkur nashri ma'lumotiga ko'ra, himoyaning ham, yarim himoyaning ham har qanday nuqtasida harakatlana oluvchi bu universal futbolchi faoliyatini 2017 yildayoq yakunlashi ham mumkin. 

Myunxenliklar jamoasi rahbariyati ushbu futbolchi 2017 yilning yozida jamoaning sport direktori bo'lishini istamoqda.

Ayni vaqtda bu lavozim bo'sh turibdi. Sobiq sport direktori Mattias Zammer o'tgan yili sog'ligidagi muammo tufayli ishdan ketgan.

Lam – «Bavariya» jamoasi tarbiyalanuvchisi hisoblanadi, u jamoa uchun barcha turnirlar doirasida 432 uchrashuv o'tkazgan va 13 gol urgan.

— deya xabar beradi Tribuna nashri.

Do`stlarbilan baxam ko`rish: