Kirish | A'zo bo'lish

Bugun, 12 mart kuni, Oliy Liganing 2-tur uchrashuvlari yakunlanganidan 1 kun o'tib, 3-tur doirasidagi uchrashuvlardan biri o'tkazildi.

Unda Toshkentning «Paxtakor» klubi mavsum debyutanti, Samarqandning «Dinamo» jamoasini qabul qildi.

O'tgan turda Oliy Liga tarixidagi eng yosh tarkibni maydonga tushirib, rekord qayd etgan samarqandliklar jamoasi bu turda ham yosh tarkibni maydonga tashladi. O'tgan 2 turda ketma-ket g'alabalar qayd etib, muxlislar olqishiga sazovor bo'lgan jamoa bu turda ham o'z natijalari tasodif emasligini isbotladi.

88-daqiqada mehmonlar jamoasi o'yin taqdirini hal qilgan golni urishdi. O'ng qanotdan uzatilgan to'pni Radu Rogak boshi bilan darvozaga yo'llab hisobni ochdi - 0:1.

Bu hisob qolgan daqiqalarda o'zgarmasdan qoldi va muxlislar orasida «o'zbek Lesteri» nomini olgan «Dinamo» muvaffaqiyatini mustahkamlab, turnir jadvalida yakkapeshqadamga aylandi. Jamoa 3 uchrashuvdan buyon darvozasi daxlsizligini saqlamoqda. «Paxtakor» esa 4 ochkosi bilan hozircha to'rtinchi o'rinda.

Oliy liga, 3-tur

«Paxtakor» - «Dinamo» - 0:1

Gol: Radu Rogak 89, - 0:1

«Paxtakor»: Botirali Ergashev, Vladimir Kozak, Adnan Oraxovats, Yuritsa Bulyat, Davron Hoshimov, Akbar Ismatullaev (Kamoliddin Tojiev, 79), Azimjon Ahmedov, Stanislav Andreev (Sherzod Karimov, 54), Suhrob Nurullaev (Jasurbek Hakimov, 69), Jamshid Iskanderov, Igor Sergeev (s)

«Dinamo»: Mixail Naumov, Mirkomil Lokaev, Bunyod Isroilov, Akmal Bozorov (s), Jasur Azimov, Sardor Sulaymonov, Javohir Qahramonov, Shoxrux Xolmatov, Damir Nizanov (Radu Rogak, 66), Orif Mamajonov (Abdumalik Abdullaev, 74), Abdujamol Isroilov

Ogohlantirishlar: Shoxrux Xolmatov 75, Azimjon Ahmedov 84, Davron Hoshimov 85. 

— deya xabar beradi Tribuna nashri.

Do`stlarbilan baxam ko`rish: