Kirish | A'zo bo'lish

«Chelsi» rahbariyati «Yuventus» klubiga tegishli bo'lgan yarimhimoyachi Kingsli Komanning transferi bo'yicha turinliklarga aloqaga chiqqan, deya xabar bermoqda Téléfoot.

Komanning «Bavariya» bilan ikki yillik ijara shartnomasi joriy mavsumdan so'ng nihoyasiga yetadi. Ammo «Bavariya» direktorlar Kengashi raisi Karl-Haynts Rummeniggening so'zlariga ko'ra, nemis klubi ixtiyorida shartnomaga muvofiq futbolchini 18 million yevro yevaziga butunlay sotib olish huquqi bor.

Ammo frantsuz manbasi bergan xabarga ko'ra, «Chelsi» «Yuventus»ga 20 yoshli futbolchi uchun 60 million yevro miqdorida taklif jo'natgan. Shuningdek «Manchester Siti» ham frantsuz futbolchisini o'z safida ko'rishni istamoqda va uning uchun 50 mln yevro berishga tayyor turishibdi.

Agar Koman ingliz klublaridan birining taklifiga rozi bo'ladigan bo'lsa, «Bavariya» bilan kelishuvda bo'lgan majburiy 18 million yevrolik bitimni rad yetishi mumkin bo'ladi.

— deya xabar beradi Tribuna nashri.

Do`stlarbilan baxam ko`rish: