Kirish | A'zo bo'lish

JCh-2018 saralash bosqichi doirasidagi Suriya va O'zbekiston terma jamoalari uchrashuvi oldidan suriyalik yarimhimoyachisi Mahmud al-Mavas o'yin oldidan o'z fikrlarini bildirib o'tdi. 

«Osiyodagi har bir futbolchi Jahon chempionatining final bosqichiga chiqishni istaydi. Bu Suriya uchun juda muxim. O'z orzuimizni amalga oshirish uchun ishlayapmiz. Bilamiz, bu qiyin bo'ladi, lekin, balki buni amalga oshira olarmiz. Imkonsiz narsaning o'zi yo'q. Har bir o'yin biz uchun finaldek gap. O'zbekiston bilan o'yin ham, boshqalar bilan o'yinlar ham. Boisi, guruhdagi har bir raqib — kuchli. 

Suriya terma jamoasidagi futbolchilarning ko'pi hali 23 yoki 24ga to'lmagan. Bosh murabbiyimiz ko'rsatmalariga amal qilgan holda o'z o'yinimizni kuchaytirib boryapmiz. Biz professional futbolchilarmiz va qanday o'ynash kerakligini bilamiz. 

Har bir arab futbolchisi Yevropada o'ynashni istaydi, ammo men hozir bor ye'tiborimni terma jamoamizning JChga chiqishida yordam berishga qaratganman. Bu mening ulkan orzuim», - degan Al-Mavas.

Eslatib o'tamiz, Suriya va O'zbekiston uchrashuvi 23 mart kuni Malayziyaning Malakka shahridagi Hang Jebat Stadium stadionida bo'lib o'tadi. O'yin Toshkent vaqti bilan 17:00 da start olishi rejalashtirilgan.

— deya xabar beradi Tribuna nashri.

Do`stlarbilan baxam ko`rish: