Kirish | A'zo bo'lish

Germaniyada Chempionlar ligasining 1/4 final «Borussiya» – «Monako» uchrashuvi oldidan portlashni amalga oshirishda gumon qilingan 26 yoshli Iroq fuqarosi qo'lga olindi. 

Associated Press axborot agentligi bergan xabarga ko'ra, gumondor shaxs Abdul Basad A. 2014 yilda IShIDga a'zo bo'lgan va 10 nafar jangaridan iborat guruhga rahbarlik qilgan. Guruh odamlarni o'g'irlash, qo'rqitish, tahqirlash va qotillik kabi jinoiy ishlar bilan shug'ullangan.

Shunga qaramay, Germaniya prokuraturasi bergan bayonotga ko'ra Dortmunddagi teraktni amalga oshirgan shaxsning bu voqea yuzasidan aybi isbotlanmagan. Tergov ishlari davom yettirilmoqda.

Gumondorning aybi isbotlanmasa uning qo'yib yuborilishi masalasi bugun ko'rib chiqiladi.

Eslatib o'tamiz, YeChL uchrashuvi boshlanishidan oldin Dortmund klubi joylashgan avtobus yaqinida portlash sodir yetilgan, voqea natijasida himoyachi Mark Bartra jarohat olgandi. Uchrashuv yesa xavfsizlik nuqtai nazaridan bir kun ortga surilgan.

— deya xabar beradi Tribuna nashri.

Do`stlarbilan baxam ko`rish: