«Manchester Siti» rahbariyati yozgi transferlar vaqtida rejalashtirgan transfer siyosatidan voz kechadigan bo'ldi. Bu haqda Daily Mail nashri xabar tarqatdi.
Manbaga ko'ra, Xosep Gvardiola va rahbariyat yozgi transferlar vaqtida tarkibni asosan ingliz futbolchilari yevaziga to'ldirishni reja qilishgandi. Biroq mahalliy futbolchilarning o'ta qimmat narxi jamoani bu fikrdan qaytargan va yendi klub transferlar uchun boshqa yo'nalishdan bormoqchi.
Jamoaning dastlabki rejasi bo'yicha yozgi transferlarda «Tottenhem»dan Delli Alli, Deni Rouz va Kayl Uoker, shuningdek «Arsenal» yarimhimoyachisi Aleks Oksleyd-Chemberlenni olib kelish mo'ljallangandi. Biroq bu klublar tomonidan futbolchilar uchun so'ralgan o'ta yuqori mablag' «Siti»ni fikridan qaytargan.
Endilikda jamoa «Arsenal»ning chililik hujumchisi Aleksis Sanchesni sotib olishni birinchi o'ringa qo'ymoqda. Klub futbolchi uchun 50 mln funt berishga tayyor bo'lib turibdi.
Bosh sahifaga
273