Sovsport.ru sayti ma'lumotlariga ko'ra, futbol qiroli, jahonning 3 karra chempioni - Pele shaxsiy kollektsiyasidan o'rin olgan 2000ta buyumni, boshqacha aytganda, tarix parchalarini muxlislarga tortiq etmoqchi. Qanday qilib? Albatta, auktsion orqali-da. Demak, Braziliya futboli afsonasi o'tmishidan bir shingiliga ega bo'lishni istagan fanatlarning ma'lum miqdorda xarajat qilishlari to'g'ri keladi.
Auktsion qaerda bo'ladi?
Savdolar 7-9 iyun kunlari Londondagi Julien~s Auctions auktsion uyida tashkil etiladi. Tashkilotchilar ayni payt auktsionda qatnashishni xohlovchilarni ro'yxatdan o'tkazishni boshlab yuborishgan. «Pele -bu jahon sportining o'ziga xos Merilin Monrosi. U - butun futbol borlig'ining chinakam dahosi va almashtirilmas elchisi, - deya bayonot berdi auktsion uyi ijrochi-direktori Martin Nolan. - Kollektsiyaning o'zi bebaho. Deylik, braziliyalikning takrorlanmas faoliyatining har bir davrini eslatuvchi buyumlar savdoga qo'yiladi. O'ylashimcha, Jyul Rime kubogi nusxasining eng qimmatbaho lot (buyum) bo'lishi ehtimoli katta. U hattoki, million dollarga sotilishi mumkin. Harqalay, ushbu tarixiy sovrinning boshlang'ich bahosi 400 ming dollarga teng.  Menimcha, u ko'pchilikni qiziqtirsa kerak».
«Pele: - kollektsiya» (Pele: The collec-tion) buyumlar katalogi rangli muqovada chiqariladi va ularning adadi cheklangan. Xohlovchilar ushbu ro'yxat-kitobchani 300 dollarga sotib olishlari mumkin. 500 dona eksklyuziv katalogga esa Pelening shaxsan o'zi imzo qo'yib beradi. Shu tufayli ularning narxi 1000 dollarga ko'tariladi.
Savdoga qanday buyumlar qo'yiladi?
3ta jahon  chempionati (1958, 1962 va 1970 yillar) oltin medali. Pele ularni Braziliya terma jamoasi etakchisi sifatida yutgan. Medallarning bahosi - 365 mingdan 725 ming dollargacha.
Jyul Rime kubogining personal nusxasi. 1970 yilga qadar jahon chempionati g'olibiga shu sovrin berilgan va Braziliya terma jamoasi 3 karra chempion bo'lgach, uni o'zida abadiy saqlash huquqini qo'lga kiritgan. Umuman, auktsionning eng nodir va qimmatbaho buyumi ham aynan shu kubokdir. Uning minimal narxi - 400 ming dollar.
Pelening «Santos» klubida foydalangan butsa va futbolkalari, shuningdek, mazkur jamoada o'ynagan vaqti qo'lga kiritgan individual mukofotlari.
«Nyu-York Kosmos»ning 1977 yilgi chempionlik uzugi va Amerika jamoasining  futbolkalari.
Davomi InterFUTBOL gazetasi blogida.
— deya xabar beradi uff.uz nashri.