23-28 mart kunlari “Bunyodkor” futbol klubi tashabbusi bilan “Navro'z kubogi-2016” musobaqasi tashkil etildi. Musobaqada 2001 yilda tavallud topgan futbolchilardan iborat 8ta jamoa ishtirok etdi. Uchrashuvlar “Bunyodkor” futbol maktabi maydonlarida o'tkazildi. Bosh sovrin uchun kechgan bahsda “Bunyodkor” va “Nasaf” jamoalari kuch sinashishdi. Uchrashuvning asosiy vaqtida kuchlar teng keldi – 0:0. Shundan so'ng, penaltilar seriyasiga murojaat qilindi. “Lotoreyalar bahsi”da omad qarshiliklarga kulib boqdi. Uchinchi o'rin uchun kechgan bahsda “Andijon” tarbiyalanuvchilari “Buxoro”dan 2:0 hisobidan ustun kelishdi. Musobaqa yakunida tantanali yopiilish va taqdirlash marosimi bo'lib o'tdi. Unda “Bunyodkor” va O'zbekiston terma jamoasi sobiq futbolchisi Aleksandr Xvostunov ishtirok etdi va nominatsiya bo'yicha aniqlangan g'oliblarni asosiy jamoa futbolchilari imzolari tushirilgan to'plar bilan taqdirladi: Eng yaxshi darvozabon – Abduvoxid Ne'matov (“Nasaf”)
Eng yaxshi himoyachi – Ibroxim Ibrohimov (“Buxoro”)
Eng yaxshi yarim himoyachi – Paxlavon Komiljonov (“Andijon”)
Eng yaxshi to'purar – Elnur Jariqulov (“Nasaf”)
Eng yaxshi futbolchi – Muzaffar Olimjonov (“Bunyodkor”) Futbol professori, O'zbekistonda xizmat ko'rsatgan murabbiy Rustam Akramov g'olib va sovrindorlarni kubok va medallar bilan taqdirladi. Musobaqa g'olib va sovrindorlarini tabriklagan holda, turnirni yaxshi saviyada o'tishiga o'z hissasini qo'shgan Toshkent shahar futbol federatsiyasiga minnatdorchiligimizni bildiramiz. E'tiboringizga “Navro'z kubogi-2016”ning tantanali yopilish va taqdirlash marosimi tadbiri FOTOJAMLANMAsi va videosharhini havola etamiz.
— deya xabar beradi uff.uz nashri.