Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Dahomi yoki qirol? (InterFUTBOL blogi)
«PSJ»ning qatorasiga to'rtinchi va o'z tarixidagi 6-chempionligini «poker» bilan nishonlagan Zlatan Ibragimovich o'z vaqtida «Shvetsiya qiroli» unvoniga loyiq ko'rilgan bo'lsa, endi Frantsiya poytaxtida «Parij qiroli» taxallusini ham o'ziniki qilib oldi. Bu hujumchi tabiatan hech kimni pisand qilmaydigan, o'zini daho hisoblaydigan o'ta mag'rur yigit bo'lsada, tan olish kerakki, u amalga oshirgan ishlarni hamma ham uddalay olavermaydi.
34 yoshli shvetsiyalik hujumchi faoliyatidagi eng yorqin mavsumni o'tkazmoqda. Har holda, fevralning o'rtalarida uning o'zi aynan shunday fikr bildirgandi. Joriy mavsumdagi barcha musobaqalarda u «PSJ» safida 35ta gol urib, 14ta samarali to'p uzatishni amalga oshirdi. Yaqinda Ibra «Chelsi»ga qarshi javob uchrashuvining bosh qahramoni sifatida parijliklarni EChLning chorak finaliga olib chiqdi. Undan keyin Parijda chempionlikka erishgani yuqorida zikr etildi. Hozirda hujumchi o'z agenti Mino Rayola bilan hamkorlikda kasbdoshlarimizning tinchini o'g'irlash bilan band - «Zlatan yangi mavsumda qaysi jamoada to'p surishini bilaman, lekin aytmayman», «Aytishlaricha, Zlatan «Real»da o'ynash orzusida, bu haqda Zidanga sha'ma qildi» yoki «Ibra, «Arsenal»da o'ynamoqchi» kabi xabarlar qaysi jurnalistni tinch qo'yadi, deysiz? Bir yoqda «Inter» bosh murabbiyi Roberto Manchini uning jamoasi Ibraning maoshiga dosh bera olmasligini ta'kidlayotgan bo'lsa. Qo'shimchasiga, hujumchining o'zi bo'lajak qarorgohni uning rafiqasi belgilashini tan olib tursa.
Vaholanki, uning yoshidagi boshqa futbolchi tinchgina jonajon «Malmyo»ga qaytib, faoliyatini xotirjam yakunlagan bo'lardi. Lekin Zlatan hozirda har qachongidan ko'ra zo'rroq, yorqinroq. Nafaqat yashil maydonda, balki uning tashqarisida ham. U o'zini shunday tutadiki, unutishni istasang ham unutolmaysan. Jumladan, kim bilandir suhbatlashish chog'ida. Darvoqe, yaqinda Zlatan o'z savdo belgisi reklamasi bo'yicha suhbat o'tkazdi.
1. Suhbatlashishning nozik xususiyatlari
Bir paytlari «Malmyo»ning yosh hujumchisi Arsen Venger e'tiboriga tushib, murabbiy uni Londonga taklif etgandi. Ibragimovichning aytishicha, «Arsenal» bazasidagi sharoitlar uni lol qoldirgan, Venger esa unga «9» raqamli futbolkani taxt qilib qo'ygan ekan. Barcha masalalar hal bo'lgach, murabbiy Zlatanga jamoa bilan mashg'ulotda qatnashishni, mahoratini namoyish etishni taklif qildi. Biroq kutilmaganda yosh hujumchining o'jarligi tutib qoldi: «Bu erga ko'rikdan o'tish emas, shartnoma imzolash uchun kelganman. O'zlari taklif etishsa-yu, nima qila olishimni, mahoratimni bilishmasa. Bu erda nima qilib yuribman?».
Shu tariqa ortga qaytgan Zlatan tez orada «Ayaks» a'zosiga aylandi. Ha, Ibragimovich ish bajaruvchi emas, ish beruvchi sifatida suhbatlashishni xush ko'radi. O'z brendi hisoblangan Vitamin Well ma'danli suvining reklama roligida u savdo menejerini ishga qabul qilish jarayonida shaxsan ishtirok etib, mahsulotga oid savollar beradi. Da'vogar birorta ham savolga javob bera olmagach, Ibra «Sevimli futbolching kim?» qabilida ayyorona savol beradi. Xullas, mazkur rolikni 10 kunda 1,5 million kishi tomosha qildi.
2. Super jodugar
Ba'zan Zlatan rafiqasini shunday nom bilan erkalaydi. Omadli biznesmen sifatida shuhrat qozongan Xelena Seger o'z turmush o'rtog'idan 11 yoshga kattaroq, chindan ham Zlatanni jilovlashni biladi. Bu fazilatini ilk uchrashuvdayoq namoyish etgan. Juftlikning romantik tanishuvi avtomashinalar to'xtash joyida yuz bergan, o'shanda Zlatan shaxsiy «Ferrari»si bilan Xelena boshqaruvidagi mashinaning yo'lini to'sib qo'ygandi. Natijada durustgina mojaro yuzaga kelgan.
Shundan keyin futbolchi do'stlari orqali Xelenaning telefon raqamini aniqlab, unga SMSlar jo'natadigan bo'ldi, imzo o'rnida «qizil avtomobildagi yigit» iborasini jo'natardi. O'zaro munosabatlar shu qadar sekinlik bilan rivojlandiki, muxlisalarning erkalashlariga o'rganib qolgan Zlatan chiday olmadi. Shu sababli, Xelena uchun yulduz bo'la olmagani, shunchaki «juldur kiyimdagi telba yigitcha» ekanini tan oldi. Buni qarangki, ana shu e'tirof tomonlarni bir-birlariga qiziqtirib qo'ydi. Oxir-oqibat, bir qator jiddiy qarshiliklarga qaramasdan, Xelena bilan Zlatan oila qurishdi va qariyb 15 yildan beri ahil yashashmoqda.
Davomi InterFUTBOL gazetasi blogida.
— deya xabar beradi uff.uz nashri.
34 yoshli shvetsiyalik hujumchi faoliyatidagi eng yorqin mavsumni o'tkazmoqda. Har holda, fevralning o'rtalarida uning o'zi aynan shunday fikr bildirgandi. Joriy mavsumdagi barcha musobaqalarda u «PSJ» safida 35ta gol urib, 14ta samarali to'p uzatishni amalga oshirdi. Yaqinda Ibra «Chelsi»ga qarshi javob uchrashuvining bosh qahramoni sifatida parijliklarni EChLning chorak finaliga olib chiqdi. Undan keyin Parijda chempionlikka erishgani yuqorida zikr etildi. Hozirda hujumchi o'z agenti Mino Rayola bilan hamkorlikda kasbdoshlarimizning tinchini o'g'irlash bilan band - «Zlatan yangi mavsumda qaysi jamoada to'p surishini bilaman, lekin aytmayman», «Aytishlaricha, Zlatan «Real»da o'ynash orzusida, bu haqda Zidanga sha'ma qildi» yoki «Ibra, «Arsenal»da o'ynamoqchi» kabi xabarlar qaysi jurnalistni tinch qo'yadi, deysiz? Bir yoqda «Inter» bosh murabbiyi Roberto Manchini uning jamoasi Ibraning maoshiga dosh bera olmasligini ta'kidlayotgan bo'lsa. Qo'shimchasiga, hujumchining o'zi bo'lajak qarorgohni uning rafiqasi belgilashini tan olib tursa.
Vaholanki, uning yoshidagi boshqa futbolchi tinchgina jonajon «Malmyo»ga qaytib, faoliyatini xotirjam yakunlagan bo'lardi. Lekin Zlatan hozirda har qachongidan ko'ra zo'rroq, yorqinroq. Nafaqat yashil maydonda, balki uning tashqarisida ham. U o'zini shunday tutadiki, unutishni istasang ham unutolmaysan. Jumladan, kim bilandir suhbatlashish chog'ida. Darvoqe, yaqinda Zlatan o'z savdo belgisi reklamasi bo'yicha suhbat o'tkazdi.
1. Suhbatlashishning nozik xususiyatlari
Bir paytlari «Malmyo»ning yosh hujumchisi Arsen Venger e'tiboriga tushib, murabbiy uni Londonga taklif etgandi. Ibragimovichning aytishicha, «Arsenal» bazasidagi sharoitlar uni lol qoldirgan, Venger esa unga «9» raqamli futbolkani taxt qilib qo'ygan ekan. Barcha masalalar hal bo'lgach, murabbiy Zlatanga jamoa bilan mashg'ulotda qatnashishni, mahoratini namoyish etishni taklif qildi. Biroq kutilmaganda yosh hujumchining o'jarligi tutib qoldi: «Bu erga ko'rikdan o'tish emas, shartnoma imzolash uchun kelganman. O'zlari taklif etishsa-yu, nima qila olishimni, mahoratimni bilishmasa. Bu erda nima qilib yuribman?».
Shu tariqa ortga qaytgan Zlatan tez orada «Ayaks» a'zosiga aylandi. Ha, Ibragimovich ish bajaruvchi emas, ish beruvchi sifatida suhbatlashishni xush ko'radi. O'z brendi hisoblangan Vitamin Well ma'danli suvining reklama roligida u savdo menejerini ishga qabul qilish jarayonida shaxsan ishtirok etib, mahsulotga oid savollar beradi. Da'vogar birorta ham savolga javob bera olmagach, Ibra «Sevimli futbolching kim?» qabilida ayyorona savol beradi. Xullas, mazkur rolikni 10 kunda 1,5 million kishi tomosha qildi.
2. Super jodugar
Ba'zan Zlatan rafiqasini shunday nom bilan erkalaydi. Omadli biznesmen sifatida shuhrat qozongan Xelena Seger o'z turmush o'rtog'idan 11 yoshga kattaroq, chindan ham Zlatanni jilovlashni biladi. Bu fazilatini ilk uchrashuvdayoq namoyish etgan. Juftlikning romantik tanishuvi avtomashinalar to'xtash joyida yuz bergan, o'shanda Zlatan shaxsiy «Ferrari»si bilan Xelena boshqaruvidagi mashinaning yo'lini to'sib qo'ygandi. Natijada durustgina mojaro yuzaga kelgan.
Shundan keyin futbolchi do'stlari orqali Xelenaning telefon raqamini aniqlab, unga SMSlar jo'natadigan bo'ldi, imzo o'rnida «qizil avtomobildagi yigit» iborasini jo'natardi. O'zaro munosabatlar shu qadar sekinlik bilan rivojlandiki, muxlisalarning erkalashlariga o'rganib qolgan Zlatan chiday olmadi. Shu sababli, Xelena uchun yulduz bo'la olmagani, shunchaki «juldur kiyimdagi telba yigitcha» ekanini tan oldi. Buni qarangki, ana shu e'tirof tomonlarni bir-birlariga qiziqtirib qo'ydi. Oxir-oqibat, bir qator jiddiy qarshiliklarga qaramasdan, Xelena bilan Zlatan oila qurishdi va qariyb 15 yildan beri ahil yashashmoqda.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
523