“Qo'qon-1912” jamoasi shanba kuni navbatdagi vodiy derbisida maydonga tushadi. Murodjon Ismoilov shogirdlarining bu galgi raqibi – “Andijon” jamoasi bo'ladi. Mazkur uchrashuvga doir ma'lumotlar bilan tanishing. O'zaro o'yinlar
Bu jamoalar Oliy liga doirasida 20 marta to'qnash kelishgan. O'yinlarning 9 tasida andijonliklarning qo'li baland kelgan. Oltita bahsda vakillarimiz g'alaba nashidasini surishgan. Beshta o'yin durang natija bilan yakun topgan. To'plar nisbati – 41-31, andijonliklar foydasiga. O'zaro o'yinlarda jamoamiz 23 ochkoni qo'lga kiritgan. Andijonliklarning bu boradagi ko'rsatkichi – 32 ochkoga teng. O'tgan yili Qo'qondagi bahsda hisob ochilmagan bo'lsa, Andijondagi uchrashuvda vakillarimiz 2:1 hisobida g'alaba qozonishgan. Har ikkala gol Otabek Haydarov hisobiga yozilgan. Eski tanishlar uchrashuvi
Vodiy derbisi maqomini olgan mazkur uchrashuvining e'tiborga molik yana bir jihati shundaki, shanba kuni eski tanishlar yana bir bor uchrashadilar. Bu gal raqib sifatida. Ayni damda “Qo'qon-1912” jamoasi murabbiylar shtabida faoliyat olib borayotgan tajribali mutaxassis Sergey Kovshov o'tgan yili “Andijon” jamoasini boshqargandi. Endi esa sobiq jamoasiga qarshi kurash olib boradi. Shuningdek, jamoamiz etakchilaridan biri Abdullox Olimov ham “Andijon” safida to'p surgan. O'z navbatida “Andijon”da ishlayotgan murabbiylarning aksariyati Qo'qon futbol maktabi tarbiyalanuvchilari sanalishadi. Xususan, “Burgutlar” ustozi Baxtiyor Ashurmatov katta futboldagi ilk qadamlarini “Temiryo'lchi” (hozirgi “Qo'qon-1912”) jamoasi qo'ygan. Himoyachi Ibrohim Rahimov ham faoliyatini Qo'qonda boshlagan. Yo'qotishlar
Jamoamiz navbatdagi o'yinga jiddiy hozirlik ko'rmoqda. Tarkibda ikkita yo'qotish bor. Alisher Ziyavuddinov va Nodir Qo'ziboevlar jarohat olganliklari sababli mashg'ulotlarda ishtirok eta olishmayapti. So'nggi uchrashuvlar
Ayni damda futbolchilarimizning kayfiyati a'lo darajada. Umuman olganda, jamoamiz mavsumni yaxshi boshladi. Shu kunga qadar o'tkazilgan to'rtta rasmiy o'yinlarning (chempionat ikkita, kubok ikkita) uchtasida g'alabaga erishildi. Qo'qonda o'tkazilgan so'nggi beshta uchrashuv: 11.04.2015
Qo'qon – 1912 – Andijon – 0:0 29.06.2003
Qo'qon – 1912 – Andijon – 2:1 30.03.2002
Qo'qon – 1912 – Andijon – 1:1 11.04.2000
Temiryo'lchi – Andijon – 1:1 23.05.1999
Temiryulchi – Andijon – 5:1 Uchrashuv hakamlari
2 aprel sanasida bo'lib o'tadigan bahs Baxtiyor Namozov boshchiligidagi hakamlarga ishonib topshirildi. Uchrashuv nazoratchisi G'ayrat Karimov. O'zPFL vakili: R. Chernikov. Oliy liga. 3-tur. 2 aprel (shanba) «Qo'qon-1912» (Qo'qon) – «Andijon» (Andijon)
Hakamlar: B. Namozov (Toshkent), R. Fozilov (Namangan), M. Majidov (Namangan), I. Garmashov (Toshkent)
Nazoratchi: G'. Karimov (Toshkent).
O'zPFL vakili: R. Chernikov. Aytgancha, o'tgan yili Andijondagi “Sog'lom avlod” o'ingohida bo'lib o'tgan “Andijon” – “Qo'qon-1912” jamoalari o'rtasidagi o'yinni aynan shu hakam boshqarib borgandi. O'yinda vakillarimiz g'alaba qozonishgan.
— deya xabar beradi uff.uz nashri.