1 aprel kuni oliy liganing 3-turida "Paxtakor" Buxoroda mehmon bo'ladi.
Tayyorgarlik
Terma jamoa o'yinlari bilan bog'liq tanaffusdan so'ng oliy liga o'yinlari davom ettiriladi. Jamoamiz ushbu davrda Qibrayda mashg'ulot o'tkazdi. Terma jamoa safida bo'lgan 5 nafar futbolchi bugundan jamoa ixtiyoriga qaytishdi. "Buxoro" esa O'zbekiston Kubogi 1/16 finalida o'ynadi. So'ng jamoa Toshkent va Buxoroda mashg'ulotlar o'tkazdi.
Qarama-qarshilik
Oliy ligada jamoalar 46 bor to'qnash kelganlar. 33 bahsda "Paxtakor", 6 bellashuvda "Buxoro" zafar quchgan. 7 o'yinda kuchlar teng kelgan. Raqib darvozasini 102 bor ishg'ol qilgan jamoamiz 32 marta o'z darvozasidan to'p olib chiqqan. Buxorodagi uchrashuvlarning 5tasida mezbonlar, 12tasida "Paxtakor" ustun bo'lgan. 6 bahsda durang natija bilan yakunlangan. O'tgan mavsum Buxoroda Chipevning avtogoli va Sergeevning goli evaziga 2:0 hisobida jamoamiz ustun kelgan.
Uchrashuv rasmiylari
O'yinni Sherzod Qosimov boshchiligidagi hakamlar guruhi boshqaradi. Qosimov hozirgacha oliy ligada jamoamiz ishtirokidagi 4 bellashuvni boshqargan. Ularning 3tasida "sherlar" zafar quchgan va bir bor imkoniyatni boy bergan. Mazkur jamoalar o'yinida Qosimov ilk bor hakamlik qiladi.
"BUXORO" - "PAXTAKOR"
Hakamlar: Sherzod Qosimov (Toshkent), Ma'mur Saidqosimov (Toshkent), Andrey Tsapenko (Toshkent viloyati), Dauletboy Jalimov (Nukus).
Nazoratchi: Aleksandr Popov (Toshkent).
O'zPFL vakili: Bobur Haydarov.
"Buxoro" - "Paxtakor" uchrashuvi 1 aprel, juma kuni Buxorodagi "Buxoro SM" stadionida soat 18:45da boshlanadi.
— deya xabar beradi uff.uz nashri.