"Bunyodkor"ga qarshi uchrashuvdan so'ng (0:0), "Mash'al" ustozi Aleksandr Xomyakov matbuot anjumanida ishtirok etdi.
"Asosiy vazifamiz mag'lubiyatga uchramaslik edi. Uchrashuv tomoshabop bo'ldi deya olmayman. Maqsadimizga erishganimizdan xursandman. Avvalgi o'yinlarga keladigan bo'lsak, doimo birinchi bo'lib hisobni ochdik, ammo uchrashuvlarni qoniqarli hisobda yakunlay olmadik. Bunga javob berish qiyin. Durang uchun o'ynadik va unga erishdik.
Shahbozning uchrashuvdagi vazifasi butun maydon bo'ylab yugurish emas. To'g'ri, u optimal formada emasdir. Shu tufayli unga to'pni saqlash va uni jamoadoshiga oshirish hamda standartlardan unumli foydalanish vazifasini bergan edik.
Futbolchilarni zaxira yoki asosiy tarkib o'yinchisi deb ajratmayman. Kim bahsga tayyor bo'lsa, usha maydonga tushadi" - deydi Aleksandr Xomyakov.
— deya xabar beradi uff.uz nashri.