Madridning “Real” jamoasi bir necha yil oldin Gabon terma jamoasi a'zosi Per-Emerik Obameyangni 12 mln evroga sotib olishi mumkin edi. Bu haqida TuttoMercatoWeb nashri xabar bermoqda. Dortmundning “Borussiya” hujumchisi Germaniya Bundesligasiga o'tishdan avval “Sent-Eten” sharafini himoya qilayotgan edi. O'shanda “Real” ustozi bo'lgan Joze Mourinoga uni sotib olish taklifi berilgandi. Biroq portugaliyalik uning o'yinidan qanoatlanmagan. Hozirda “Qirollik klubi” gabonlik hujumchini qo'lga kiritish harakatida yuribdi. Dortmundning «Borussiya» klubi ijrochi direktori Xans-Yoaxim Vattske Obameyangni 100 mln evrodam kamga sotmasligini ma'lum qilgan. 
— deya xabar beradi uff.uz nashri.