Osiyo Chempionlar Ligasi “E” guruhi 4-tur o'yinlari doirasidagi Vetnamning “Binziong” hamda Janubiy Koreyaning “Jonbuk Motors” jamoalari o'rtasidagi uchrashuvni o'zbekistonlik komissar boshqarib boradi. Shu yilning 6 aprel sanasida Vetnamning Binziong shahrida bo'lib o'tadigan mazkur uchrashuvga OFK tomonidan komissar sifatida o'zbekistonlik Olim Arifov tayinlandi. Qayd etish kerakki, ushbu o'yinni Qirg'izistonlik hakamlar brigadasi boshqarib boradi. Bosh hakam – Dmitriy Mashentsev. Unga qanotlarda Bahodir Qo'chqorov, Ismoiljon Tolibjonov yordam beradi. To'rtinchi hakam – Timur Fayzulin. Ma'lumot uchun, o'zbekistonlik OFK komissari Olim Arifov ayni vaqtda FIFA tasarrufidagi musobaqalarda ham komissarlik vazifasini bajarib kelmoqda.
— deya xabar beradi uff.uz nashri.