Angliya chempionati 32-turi markaziy o'yinida "Liverpul" va "Tottenxem" o'zaro bahs olib bordi. Unda 1:1 hisobidagi durang qayd etildi. Uchrashuvning birinchi bo'limida hisob ochilmadi. Ikkinchi bo'limda Filippe Koutino gol kiritib, 51 daqiqada jamoasini oldinga olib chiqdi. 63 daqiqaga kelib Xarri Keyn muvozanatni tikladi. Shundan so'ng har ikki jamoada hisobda oldinga chiqib ketish imkoni yuzaga keldi, biroq muxlislar boshqa gol ko'rmadi. Angliya chempionati, 32-tur Liverpul – Tottenxem 1:1
Gollar: 1:0 – 51 Koutino, 1:1 – 63 Keyn.
Liverpul – Minole, Lovren, Moreno, Klayn, Sako, Xenderson, Djan, Koutino, Milner (Ayb, 90), Lallana (Allen, 82), Starridj (Oriji, 72).
Tottenxem – Loris, Vimmer, Alderveyreld, Rouz, Dayer, Eriksen, Dembele, Alli (Meyson, 88), Uoker, Keyn, Son Xiin Min (Shadli, 66).
Ogohlantirishlar: Koutino (24), Djan (64).
— deya xabar beradi uff.uz nashri.