Kecha oqshomda futbol muxlislarining diqqat e'tiborlari Kataloniyadagi “Kamp Nou” stadioniga qaratildi. Ushbu bellashuvda Madridning “Real” jamoasi 2:1 hisobida zafar quchdi. Biz mazkur uchrashuvga oid 24 ta faktni e'tiboringizga havola etamiz.
1. “Real” va “Barselona” 231-marta raqib bo'lishdi. “Real” g'alabalari sonini 93 taga etkazib oldi. “Barsa”da esa 90 g'alaba mavjud.
2. Uchrashuvda Madridliklar 390 va 391-gollarini urishgan bo'lsa, Kataloniyaliklar hisobidagi gollari sonini 379-taga etkazishdi.
3. “Barselona”ning 39 o'yinlik mag'lubiyatsiz seriyasiga chek qo'yildi. Kataloniyaliklar oxirgi marta 2015 yilning 3 oktyabrida chempionat doirasida “Sevilya”dan (1:2) mag'lub bo'lishgandi.
4. Chempionat doirasida o'tkazilgan “klasiko”larda oxirgi 5 yil ichida birinchi marta jamoalar birinchi taymga 0:0 hisobida chiqib ketishdi.
5. Karim Benzema “Barselona”ga qarshi o'yinlardagi 8-golini urdi. Ana shu gollarning 6 tasi La Ligada kiritilgan.
6. Ronaldu “Barselona”ga urgan gollari sonini 16 taga etkazib oldi va bu borada ham Raulni ortda qoldirdi.
7. Krishtianu “El-klasiko”larda uchinchi marta “Real”ga g'alaba keltiruvchi golga mualliflik qildi.
8. Ronaldu “Barsa”ga qarshi o'yinlarda ikkinchi bo'limlardagi 8-golini kiritdi.
9. Krishtianu “Kamp Nou”da urgan gollari sonini 10 taga etkazdi.
10. Ronaldu La Ligada Messi bilan to'qnashuvlarda undan oldinga o'tib ketdi. Krish hisobida 8 ta, Leoda esa 7 ta gol mavjud.
Davomi Furqat Yusupov blogida.
— deya xabar beradi uff.uz nashri.