“Navbahor” – “So'g'diyona” (0:0) uchrashuvidan so'ng mehmonlar ustozi Davron Fayziev o'z fikrlarini bildirdi. “Jamoamizning bugungi o'yinidan qoniqmadim. Zaxiradan maydonga tushgan o'yinchi Shahzod Karimov ishonchsizroq harakat qildi. «Navbahor» jamoasi bugun o'z muxlislari oldida g'alaba qozonishga harakat qildi. Mehmonga boradigan har bir jamoa ham ochko bilan qaytish uchun reja qiladi. Haqiqatdan ham ko'p kartochkalar olayapti jamoamiz. Akmal Xolmurodov bizning jamoada va maydonda xaqiqiy jangchi. Futbolda yakkakurashlarda sal bo'lsa ham imkoniyatlar berish kerak. Jizzaxda iste'dodlar ko'p. Yoshlar futbolini rivojlantirishga ko'proq e'tibor qaratsak, iste'dodli futbolchilar soni ortib boradi. Oxirgi ikkita o'yinda terma jamoamiz o'yiniga to'xtaladigan bo'lsak, ko'proq natija muhim edi, chiroyli o'yin ko'rsatish muhim emasdi. Terma jamoaga boradigan futbolchilarni tayyor holda etib kelishlariga harakat qilishimiz kerak”, — deydi Davron Fayziev.
— deya xabar beradi uff.uz nashri.