Dortmundning “Borussiya” klubi muxlislari maxsus baner orqali “Bavariya” yarim himoyachisi Mario Gyottsega murojaat qilishdi. “Verder”ga qarshi (3:2) o'yinida dortmundlik muxlislar “Signal Iduna Park” stadionida uzun banerni yoydi. Unda “Milan yoki Madrid – faqat Dortmund emas. Yoqol, Gyottse!” yozuvi bitilgan edi. Shu tariqa, “Borussiya” D muxlislari germaniyalik yarim himoyachining Dortmund klubiga o'tishi mumkinligi haqidagi xabarga o'z munosabatini bildirdi. Eslatib o'tamiz, “Bavariya”ga o'tishdan oldin “Borussiya D” klubi tarbiyalanuvchisi hisoblangan Mario Gyottse 2013 yilga qadar Dortmundda to'p surgan. 
— deya xabar beradi uff.uz nashri.