Bilasiz, ortda qolayotgan haftaning so'nggi uch kunida Oliy Ligada 3-tur uchrashuvlari bo'lib o'tdi.
Ana endi turning yakunlarini chiqaradigan palla ham keldi. Har tur yakunlangach, uchrashuvlarda o'zlarini ko'rsatgan o'yinchilardan iborat ramziy jamoa tuzishni odat qilganiz. Bu gal ham an'anamizni buzmagan holda 3-turning ramziy termasini e'tiboringizga havola etamiz.
Darvozabon: Muhiddin Xudoyorov (“Buxoro”)
Ramziy jamoamizning darvoza chizig'idan “Buxoro” posboni Muhiddin Xudoyorov joy oldi. Zero ushbu darvozabon “Paxtakor”ga qarshi kechgan o'yinda o'zini har tomondan namoyish eta oldi. “Sherlar”ning bir nechta hujumlarini ishonchli o'ynab, bartaraf etgan Xudoyorov jamoasining “Paxtakor”dan ochko olishiga katta ko'mak berdi.
 Himoyachilar: Bobur Akbarov (“Andijon”), Siroj Hamroev (“Mash'al”), Murod Xolmuhamedov (“So'g'diyona”).
“Andijon” 3-turda “Qo'qon-1912” uyiga safar uyushtirdi va kichik hisobda yutkazib qo'ydi. Mazkur o'yinda “burgutlar” tarkibidaBobur Akbarov juda ishonchli o'yin ko'rsata oldi. Ayniqsa, andijonliklar 10 kishi bo'lib qolgach, Akbarovdan mudofaada ishonchli o'ynash talab etildi. U esa raqibning bir nechta xavfli hujumlarini buzib qo'ya oldi.
“Mash'al” bu turda “Bunyodkor” maydonidan ochko olib qaytishni uddalay oldi. Bunda esa “gazchilar” mudofaa chizig'i vakillarining roli katta. Zero Siroj Hamroev va uning jamoadoshlari “qaldirg'ochlar”ning ko'plab xavfli hujumlarini to'xtatib, o'z darvozalari daxlsizligini ta'minlay olishdi.
Jizzaxning “So'g'diyona” klubi esa Namanganda “Navbahor” bilan kuch sinashdi va safarda bir ochko qo'lga kiritdi. Mazkur ochko qo'lga kiritilishida raqib hujumlarini buzishda jonbozlik ko'rsatgan himoyachi Murod Xolmuhamedovning ham xissasi katta. U butun match davomida ishonchli o'yin namoyish eta oldi.
Davomi Sports.Uz blogida.
— deya xabar beradi uff.uz nashri.