"Bavariya" yarim himoyachisi Frank Riberi navbatdagi marta klub bilan yangi shartnoma imzolash istagi borligini tasdiqladi. Frantsiyalik futbolchi hali myunxenliklarga naf keltirishiga ishonishini aytib o'tdi.
"Bavariya" bilan yangi shartnoma imzolangani borasida o'zim hech narsa bilmayman. Biz muzokaralarni yana davom ettirishimiz lozim. Yugurishga qurbim etar ekan, o'ynashda davom etaman", - deydi Riberi.
Eslatib o'tamiz, Frank Riberi Xitoydan tushgan va moliyaviy jihatdan juda foydali taklifni rad etgani aytilgan edi. Yarim himoyachining "Bavariya" bilan amaldagi shartnomasi muddati 2017 yilning yozida yakuniga etishi lozim.
— deya xabar beradi uff.uz nashri.