"Barselona" hujumchisi Lionel Messi navbatdagi marta soliq bilan bog'liq mojaro markazida qolib ketdi.
Bu safar "Panama hujjatlari" deb atalgan loyiha xususida gap bormoqda. Xabar qilinishicha, Messi soliqlar bilan bog'liq ayblovlarga javoban Panamada tijorat kompaniyasi ochgan va u orqali pul "yuvish" hamda soliqlarni yashirishni maqsad qilgan.
"Panama hujjatlari" bilan bog'liq ishda Mishel Platini, Ivan Samorano va yana bir qator taniqli insonlar ayblanmoqda. Boz ustiga "Real Sosedad" klubi ham aloqadorlikda gumon qilinmoqda.
"Panama hujjatlari" ishi borasida Xalqaro surishtiruv ishlari bo'yicha jurnalistlar konsortsiumi (ICIJ) va Germaniyaning Süddeutsche Zeitung nashri xabar tarqatgan.
— deya xabar beradi uff.uz nashri.