3 aprel, yakshanba kuni O'zbekiston Birinchiligi bahslariga start berildi. Ushbu turnirda Oliy Liga yo'llanmasi uchun kurash olib boradigan «Dinamo» jamoasi mavsumni safarda kutilmagan mag'lubiyat bilan boshladi.
Kubok doirasidagi «Neftchi»ga qarshi o'yindan farqli ravishda Quvasoydagi bahsda jamoa tarkibida bir qator o'zgarishlar bo'lgandi. Azamat Bobojonov, Omadjon Tayloqov, Islom Sharipov, Laziz Nuriddinov singari futbolchilar o'rniga «Paxtakor»dan taklif etilgan Saidjamol Davlatjonov, Doston Ibragimov singari yosh futbolchilar debyut o'yinini o'tkazgan bo'lishsa, tajribali futbolchilar Viktor Klishin hamda Aleksey Nikolaev ham boshlang'ich tarkibdan o'rin olishgandi.
Uchrashuv har ikki tomonning ehtiyotkor harakatlari bilan boshlangan bo'lsada, har ikki jamoa ham uch mingga yaqin muxlislar oldida xavfli hujumlarni tashkil etib turdi.
Tanaffusdan so'ng har ikki tomon ham g'alaba qozonish uchun jiddiy harakatni boshladi. Bu borada Ilhom Sharipov shogirdlarida gol urish uchun bir qator vaziyatlar yuzaga keldi, biroq imkoniyatlardan foydalanishda mehmonlarga omad etishmadi.
O'yinning 77-daqiqasida esa «Dinamo»chilar maydonda bir kishi kam bo'lib qolishdi. Zaxiradan maydonga tushgan yosh hujumchi Jonibek Ko'chimov hakam tomonidan ikkinchi marta ogohlantirilib, maydondan chetlatildi. Tarkibdagi ustunlik «Tsementchi» tomoniga o'tgach, vodiyliklar hujumkorlikni oshirishdi. Natijada zaxiradan maydonga tushgan tajribali hujumchi Abdurazzoq Jo'raev 79, 81-daqiqalardagi goli evaziga Quvasoy klubiga mavsumdagi ilk g'alabani taqdim etdi. «Dinamo» esa mavsumni mag'lubiyat bilan boshlashga majbur bo'ldi.
"Dinamo" 2-tur uchrashuvini chorshanba kuni Yozyovonning «Yozyovon-Lochinlari» klubiga qarshi o'tkazadi.
Birinchi Liga.
1-tur. 3 aprel (yakshanba)
«Tsementchi» (Quvasoy) – «Dinamo» (Samarqand) – 2:0
Quvasoy, 2617 tomoshabin.
Hakamlar: D. Muxtorov (Toshkent) – 8,0, I. Abdulakov (Toshkent vil.) – 8,1, I. Zaitov (Toshkent vil.) – 8,2, S. Rahmonov – 9.
Nazoratchi: Sh. Bozorov (Namangan).
Gollar: A.Jo'raev (79, 81).
«Tsementchi»: Eldor Isaboev, Jo'rabek Yoqubov, Rahmatillo Meliboev, Abduxoliq Qurbonov, Jamshid Qobulov, Sardor Sotvoldiev, Nurlibek Talasboev, Bahodirjon Qodirov, Shukur Jumaboev, Elyor Mamasoliev, Davron Mamatov.
Zaxira: Ilhom Jumanov, Aziz Matkarimov, Alisher Fayzullaev, Muhammad Sulton Fozilov, Abdurazzoq Jo'raev, Oqilbek Mahmudov, F.Jumaqo'ziev.
«Dinamo»: Mixail Naumov, Akmal Bozorov, Aleksey Nikolaev, Mirkomil Lokaev, Bunyod Isroilov, Saidjamol Davlatjonov, Jasur Azimov, Komil Sharofutdinov, Doston Ibragimov, Alisher Xoliqov, Viktor Klishin.
Zaxira: Rustam Toshturdiev, Jonibek Ko'chimov, Omadjon Toyloqov, Orzumurod Ahmedov, Laziz Nuriddinov, Azamat Bobojonov, Islom Sharipov.
Ogohlantirishlar: B. Qodirov (10), R. Meliboev (38), A. Jo'raev (80) – J. Ko'chimov (63), K. Sharofutdinov (84).
Chetlatish: Jonibek Ko'chimov (ikkinchi ogohlantirish, 77).
— deya xabar beradi uff.uz nashri.