“Bavariya” klubi hujumchisi Robert Levandovski uning “Real”ga o'tishi mumkinligi haqidagi xabarlarga navbatdagi javobini qaytardi. Polsha termasi a'zosi uni faqatgina “Bavariya”dagi vazifalar qiziqtirishini aytdi. “Bavariya” bilan amaldagi shartnomas mavjud va men klubdagi vazifalarga diqqatimni qarataman. Gazeta va turli nashrlarda yozilgan narsalar meni qiziqtirmaydi”, –polshalik futbolchining so'zlaridan iqtibos keltiradi Bild Sport. Mavsum davomida “Real” jamoasi Levandovskiga qiziqish bildirayotgani haqida xabarlar tarqalmoqda. O'z navbatida, myunxenliklar polshalikni qo'yib yubormoqchi emas. 
— deya xabar beradi uff.uz nashri.