“Zob-Ahan” – “Bunyodkor” uchrashuvi oldidan tashkil etilgan matbuot anjumanining birinchi qismida “qaldirg'ochlar” ustozi ishtirok etdi. Bosh murabbiy Sergey Lushchanga himoyachi Rustamjon Ashurmatov xamrohlik qildi. - Eronliklarga mehmondo'stlik uchun rahmat aytaman. Bevosita o'yinga to'xtaladigan bo'lsak, musobaqa jadvalidan kelib chiqib hujum qilish va g'alaba qozonishimiz shart. Umid qilamanki, o'z o'yinimizni ko'rsatib “Zob-Ahan” himoyasini yorib o'tamiz. Har bir o'yinda 3-4ta golli vaziyat yaratayapmiz. Ertaga ham shunday bo'lishiga umid qilaman. Eng asosiysi, ulardan foydalana olsak barchasi yaxshi bo'ladi. Shuningdek, himoya chizig'imiz xam xushyor o'yin ko'rsatishi lozim. Guruhda hozircha “Zob-Ahan” va “An-Nassr”ning imkoniyatlari yaxshiroq. Biroq ertaga qayd etiladigan natijalardan keyn ko'p narsa o'zgarib ketishi mumkin. G'alaba uchun kurashamiz va guruhdan chiqish yo'lida bor kuchimizni ishga solamiz, - deydi Sergey Lushchan. - Bizni juda yaxshi kutib olishdi, barchasi uchun rahmat aytaman. Ertaga oson bo'lmagan o'yin kutib turibdi. Toshkentda ham ikkala jamoa yaxshi o'yin ko'rsatgan edi. Hujum qilishga majburmiz. Bundan tashqari himoyada ham tartibli o'ynashimiz shart. Ayni paytda muxlislarimiz bizdan xafaroq, desam mubolag'a bo'lmaydi. Ularni xursand qilish uchun g'alaba qozonishimiz kerak, - deydi Rustamjon Ashurmatov.
— deya xabar beradi uff.uz nashri.