Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Bir ketsa, har yondan ketar yoki golland futbolining tanazzuli haqida (InterFUTBOL blogi)
Yaqin o'tmishda jahon futbolining bayroqdorlaridan bo'lgan Gollandiya o'ta achinarli vaziyatga tushib qoldi. Taajjubki, hozir ham avvalgidek Evropa futbolini sifatli «mahsulot» bilan ta'minlashda davom etmoqda. Ammo azaldan yuksak iqtidorlar koni bo'lgan mamlakatning klublari ham, terma jamoalari ham xalqaro maydondagi mavqelarini boy berib qo'yishdi.
Gollandlar termaga ishonmay qolishdi
Hayotning qonunlari shafqatsiz, xatolarni kechirmaydi! Ayyorlikda tulkiga ham dars beradigan Lui van Gal etakchiligidagi terma jamoa JCh-2014 bronza medallarini qo'lga kiritgandi. Garchi bu yo'lda shonli an'anasini qurbon qilib, Gollandiyaga yarashmaydigan uslubda to'p surgan bo'lsa ham. Oradan hech qancha vaqt o'tmay, Evro-2016 turniri total futbol kashfiyotchilari ishtirokisiz o'tishi ma'lum bo'ldi. Nahotki, bu norasmiy murabbiyning terma jamoadan ketishi mustahkam qal'aning er bilan yakson bo'lishiga sababchi bo'lsa?
«Lolaranglilar»ning qit'a birinchiligidan chetda qolishlari aniq bo'lgach, gollandiyalik jurnalistlar yoqimsiz savollarga chap berish uchun zukkolikka zo'r berishdi. Lekin ular orasida Sord Mussudek mag'lubiyatni tan olishga o'zida kuch topa olgan mard ham topildi: «Bundan bir necha vaqt muqaddam Bert van Marveyk bilan suhbatlashganimda, Evro-2012 turnirini Gollandiya tarixidagi eng yomon musobaqa sifatida tilga olgandi. Shuningdek, omadsizlikning asosiy sababi jismoniy tayyorgarlikning talab darajasida bo'lmaganini bildirdi. Ammo hozir hech qanday sabab, bahona ham yo'q! Balki u Chexiyadagi avtogoldan keyin yoki Reykyavikdagi tuzsiz o'yindan boshlangandir. Agar sharmandagarchilikning chiroyli yoki xunugi bo'lishi mumkinligini inobatga olsak, barcha frontlarda imkoniyatni boy bergan Gollandiya o'ta chiroyli sharmandalikni namoyish etdi!». Ha, achchiq, lekin haqiqat!
Gollandiya futbolining kelajagi qanday?
«Lolarang kema»ning tobora cho'kib borayotganida chindan ham sabab yagona emas. Terma jamoaning Evrodan chetda qolgani - emirilib borayotgan tizimning natijasidagi ifoda. Aslida, g'oyalar eskirgan, klublar tobora zaiflashmoqda, murabbiylar maktabi avvalgidek samarali emas. Futbolchilar esa shaxmat taxtasidagi piyodalardan ortiq mavqega ega emaslar. Yaqin kelajakda «lolalar yurti» sharafini himoya qiladigan futbolchilar Aren Robben va Uesli Sneyder avlodlaridan zaifroq. Bu ularning tajribasiz yoki saviyalari pastligini anglatmaydi. Shunchaki, hozir Gollandiya chempionati badavlat funktsionerlar hamyonini to'ldiradigan inkubatorga aylanib qolgan. Qit'ada o'z o'rniga, ilg'or g'oyalariga ega bo'lgan, boshqa birinchiliklardan yaqqol ajralib turadigan yorqin liga o'z vaqtida Edvin van der Sar, Blind va Klyuyvert bilan hammani o'ziga qaratgan «Ayaks», Per van Xoydonkning «Feyenoord»i va Gus Xiddink etakchiligidagi PSV bilan o'ziga rom etgandi. Lekin afsuski, ChL va UEFA kubogi musobaqalari bu jamoalar uchun shirin tushga aylangan.
Gollandiyaliklar yulduzlarni ushlab qololmayaptilar
Bundan 10-15 yil avvalgi erediviziyani ko'z oldingizga keltiring. Dunyoning turli burchaklaridagi va mahalliy noyob iqtidor sohiblari uchun «lolalar yurti» chinakam mahorat maktabi, chiniqish, toblanish va kamolotga etishish maskani edi. Zlatan Ibragimovich, Kristian Kivu, Mateya Kejman, Uesli Sneyder, Aren Roben va Dirk Kyuyt kabi yorqin yulduzlar aynan shu zaminda voyaga etishdi. Faqat shundan keyingina Gollandiyani tark etib, top-chempionatlarda nufuzli sovrinlar uchun murosasiz kurashga kirishdilar. Ularni erediviziyadan barvaqtroq tortib olishga hech qaysi grandning kuchi etmasdi. Ortda qolgan ana shu davr ichida Gollandiya chempionatining maqomi o'zgardi - atigi 1-2ta uchrashuvda yulduzlikdan nishona bera boshlagan yosh futbolchilar sotib olinib, top-chempionatlardagi tengsiz kurashlarda nobud bo'la boshlashdi. Avvalgidek etarli tajriba va mahoratga ega bo'lgan, har qanday raqib bilan teng bellasha oladigan o'yinchilar kamayib ketdi. Masalan, PSVni chinakam etakchiga aylanganidan keyin tark etgan Jorjino Veynaldum, «Ayaks»da yuksak saviyaga erishib, APLga yo'l olgan Kristian Eriksen va Luis Suares, PSVda ham, «Roma»da ham fantastik o'yin ko'rsatgan Kevin Strottman va «MYuda ham «Ayaks»dagi ishonchli faoliyatini davom ettirayotgan Deyli Blindni hisobga olmaganda, boshqa biror etuk futbolchini ko'rsatish qiyin.
Gollandiyani voyaga etishidan ancha barvaqt tark etganlar esa, keragidan ko'p. Masalan, APLda munosib o'yin ko'rsatolmayotgan Memfis Depay, «Latsio» muxlislarining keskin qarshiligiga duch kelgan Uesli Xudt, «Xerenven»ni tark etgan Alfred Finibogason, Bas Dost va Mark Ut, «Vitess» vakili Marko van Ginkel xuddi bemavrid ko'chirib o'tqazilgan ko'chat singari o'zlariga kela olishmayapti.
Transfer bozori shunchalik jilovsiz bo'lib ketdiki, chempionshipning autsayderi ortiqcha qiyinchiliksiz «AZ» yoki «Tvente»ning etakchi o'yinchisini o'z safiga qo'shib olishi mumkin. Boz ustiga, arzimas mablag' evaziga. Futbolchilar sotuvidan katta daromad olish Gollandiyaga xos emas. Ular esa iloji boricha tezroq nomdor chempionatlarga o'tish ilinjidalar. Illat o'z asoratini namoyish etmoqda - Evrodan chetda qolgan terma jamoa bunga yaqqol misol. O'z vaqtida, «uchar golland» nomi bilan tanilgan jamoaning taqdiri hozirda faxriy Robben (32 yosh)ning o'yiniga bog'liq. Memfis Depay hozircha bu mas'uliyatni ko'tarolmaydi. Qolaversa, mamlakatda avlodlar almashinuvi ham izdan chiqqan. Vitslav Cherni, Stiven Berg Veyn va Rixayro Jivkovich kabi yoshlarni olg'a etaklaydigan futbolchilar yo'q. «Feyenoord»ni «sudrayotgan» Dirk Kyuyt bundan mustasno, albatta.
Gollandiya ijodkor murabbiyga muhtoj
4-3-3 taktik sxemani asosiy qurol qilib olgan Gollandiyada murabbiylar deyarli bir qolipda ishlashmoqda. Albatta, «lolalar yurti»dagi ayrim o'ziga xos mutaxassislarni e'tirof etmaslik adolatsizlikdir. Misol uchun, 2 yil «Bavariya»da Xosep Gvardioladan saboq olgan Erik Ten Xag «Utrext»ni erediviziyaning «qattiq yong'og'i»ga aylantirdi. Frank de Bur esa «Ayaks»da ko'hna uslubga alohida jilo baxsh etdi - «soxta to'qqizlik»ning gollandcha varianti Sim de Yong va Devi Klassen navbatma-navbat samarali to'p surishmoqda. Filipp Koku o'zining PSVsi bilan «Atletiko»ga qarshi bahsda 3 nafar markaziy himoyachi hisobiga yaxshi himoyalanishni Gollandiyada ham isbotladi.
Lui van Gal hamda marhum Kroyffning sa'y-harakatlari zoe ketmaganligi yaqqol ko'rinib turibdi. Biroq butun chempionat uchun atigi 3 nafar mutaxassis ozlik qiladi. Darvoqe, Marko van Bastenning bevosita rahnomoligida o'z malakasini oshirib borayotgan Yonvan der Brom ham «AZ»da muayyan siljishlarga erishdi. Ammo u mamlakat futboliga qandaydir yangilikni taklif eta oladigan taktik islohotchi emas, o'zining ruhshunoslik qobiliyati bilan yosh iqtidor sohiblarini yuzaga chiqarmoqda. Qolgan barcha murabbiylar ma'lum qonun va qoidalarga amal qilgan holda tirikchilik qilishmoqda. Zarurat tufayli ayrim o'zgarishlarga qo'l urishdan nariga o'tishmayapti. Sinash uchun tajriba sifatida «Feyenoord»dagi Jovanni van Bronkxorst bilan «Ekselsior» ustozi Alfons Grunendeykning o'rinlarini almashtirsak, deyarli hech narsa o'zgarmaydi. Chunki bu ikki murabbiy aksariyat kasbdoshlari kabi 4-3-3 sxemasiga yopishib olishgan, Lui van Galdek kutilmagan, qaltis eksperimentlarga qo'l urishmaydi. Ehtimol, murabbiy sohasidagi turg'unlikka gollandlarning konservativ tabiati sababdir.
«Ayaks» yoki «Feyenoord» mutasaddilari bosh murabbiy lavozimiga o'zlarining sobiq tarbiyalanuvchilari yoki pastroq saviyadagi mutaxassislarni, masalan, «AZ», «Tvente» vakillarini taklif etishadi. Hech qachon xorijiy mutaxassisga murojaat qilishmaydi. Chunki ularning ko'pchiligi o'zlarini xorijiy mutaxassislardan ustun qo'yadilar. Ana shu «qotib qolgan aqida»ni rad etishga o'zida kuch topa olgan ozsonli murabbiylar esa ma'lum darajada muvaffaqiyatga erishmoqdalar. Yuqorida zikr etilgan Ten Xag Xosep Gvardiola jamoalari andozasi asosida «Utrext»ni shakllantirdi. Natijada, jamoa chempionatda 5-pog'onada bormoqda, kubok musobaqalarida finalni qayd qilib qo'ydi.
Nazarimda, erediviziyaga xorijda etarli tajriba to'plagan murabbiylar etishmayapti. Hech bo'lmaganda bir nafar. To'g'ri shunday mutaxassis yo'q emas - o'z vaqtida Aleks Fergyuson va Karlo Anchelotti bilan yonma-yon ishlagan Yap Stam yozda «Ayaks» yoshlar jamoasini tark etib, «Villem-II»ni o'z boshqaruviga oldi. Aynan shu mutaxassisdan nostandard echimlar kutilmoqda. Oqim bilan suzadiganlar usiz ham etarli.
Gollandiyada klublar xazon bo'lmoqda
«Tvente»ning komadaligi hech kimga sir emas. KNVB tomonidan ko'rsatilayotgan muruvvat tufayli jamoa bazo'r nafas olib turibdi - u qarzlarni to'lash muddatini cho'zib berdi. Yop Minstermanning oliy darajadagi menejerlik faoliyati oqibatida «Tvente» o'tgan yili yoshlar va ayollar jamoalaridan voz kechgan, o'zi 90 mln. qarzga botib qolgandi. Qo'shimchasiga, jamoaning Douen Sports sarmoya kompaniyasi bilan imzolagan «antiqa» shartnomasi «dard ustiga chipqon» bo'ldi.
Davomi InterFUTBOL gazetasi blogida.
— deya xabar beradi uff.uz nashri.
Gollandlar termaga ishonmay qolishdi
Hayotning qonunlari shafqatsiz, xatolarni kechirmaydi! Ayyorlikda tulkiga ham dars beradigan Lui van Gal etakchiligidagi terma jamoa JCh-2014 bronza medallarini qo'lga kiritgandi. Garchi bu yo'lda shonli an'anasini qurbon qilib, Gollandiyaga yarashmaydigan uslubda to'p surgan bo'lsa ham. Oradan hech qancha vaqt o'tmay, Evro-2016 turniri total futbol kashfiyotchilari ishtirokisiz o'tishi ma'lum bo'ldi. Nahotki, bu norasmiy murabbiyning terma jamoadan ketishi mustahkam qal'aning er bilan yakson bo'lishiga sababchi bo'lsa?
«Lolaranglilar»ning qit'a birinchiligidan chetda qolishlari aniq bo'lgach, gollandiyalik jurnalistlar yoqimsiz savollarga chap berish uchun zukkolikka zo'r berishdi. Lekin ular orasida Sord Mussudek mag'lubiyatni tan olishga o'zida kuch topa olgan mard ham topildi: «Bundan bir necha vaqt muqaddam Bert van Marveyk bilan suhbatlashganimda, Evro-2012 turnirini Gollandiya tarixidagi eng yomon musobaqa sifatida tilga olgandi. Shuningdek, omadsizlikning asosiy sababi jismoniy tayyorgarlikning talab darajasida bo'lmaganini bildirdi. Ammo hozir hech qanday sabab, bahona ham yo'q! Balki u Chexiyadagi avtogoldan keyin yoki Reykyavikdagi tuzsiz o'yindan boshlangandir. Agar sharmandagarchilikning chiroyli yoki xunugi bo'lishi mumkinligini inobatga olsak, barcha frontlarda imkoniyatni boy bergan Gollandiya o'ta chiroyli sharmandalikni namoyish etdi!». Ha, achchiq, lekin haqiqat!
Gollandiya futbolining kelajagi qanday?
«Lolarang kema»ning tobora cho'kib borayotganida chindan ham sabab yagona emas. Terma jamoaning Evrodan chetda qolgani - emirilib borayotgan tizimning natijasidagi ifoda. Aslida, g'oyalar eskirgan, klublar tobora zaiflashmoqda, murabbiylar maktabi avvalgidek samarali emas. Futbolchilar esa shaxmat taxtasidagi piyodalardan ortiq mavqega ega emaslar. Yaqin kelajakda «lolalar yurti» sharafini himoya qiladigan futbolchilar Aren Robben va Uesli Sneyder avlodlaridan zaifroq. Bu ularning tajribasiz yoki saviyalari pastligini anglatmaydi. Shunchaki, hozir Gollandiya chempionati badavlat funktsionerlar hamyonini to'ldiradigan inkubatorga aylanib qolgan. Qit'ada o'z o'rniga, ilg'or g'oyalariga ega bo'lgan, boshqa birinchiliklardan yaqqol ajralib turadigan yorqin liga o'z vaqtida Edvin van der Sar, Blind va Klyuyvert bilan hammani o'ziga qaratgan «Ayaks», Per van Xoydonkning «Feyenoord»i va Gus Xiddink etakchiligidagi PSV bilan o'ziga rom etgandi. Lekin afsuski, ChL va UEFA kubogi musobaqalari bu jamoalar uchun shirin tushga aylangan.
Gollandiyaliklar yulduzlarni ushlab qololmayaptilar
Bundan 10-15 yil avvalgi erediviziyani ko'z oldingizga keltiring. Dunyoning turli burchaklaridagi va mahalliy noyob iqtidor sohiblari uchun «lolalar yurti» chinakam mahorat maktabi, chiniqish, toblanish va kamolotga etishish maskani edi. Zlatan Ibragimovich, Kristian Kivu, Mateya Kejman, Uesli Sneyder, Aren Roben va Dirk Kyuyt kabi yorqin yulduzlar aynan shu zaminda voyaga etishdi. Faqat shundan keyingina Gollandiyani tark etib, top-chempionatlarda nufuzli sovrinlar uchun murosasiz kurashga kirishdilar. Ularni erediviziyadan barvaqtroq tortib olishga hech qaysi grandning kuchi etmasdi. Ortda qolgan ana shu davr ichida Gollandiya chempionatining maqomi o'zgardi - atigi 1-2ta uchrashuvda yulduzlikdan nishona bera boshlagan yosh futbolchilar sotib olinib, top-chempionatlardagi tengsiz kurashlarda nobud bo'la boshlashdi. Avvalgidek etarli tajriba va mahoratga ega bo'lgan, har qanday raqib bilan teng bellasha oladigan o'yinchilar kamayib ketdi. Masalan, PSVni chinakam etakchiga aylanganidan keyin tark etgan Jorjino Veynaldum, «Ayaks»da yuksak saviyaga erishib, APLga yo'l olgan Kristian Eriksen va Luis Suares, PSVda ham, «Roma»da ham fantastik o'yin ko'rsatgan Kevin Strottman va «MYuda ham «Ayaks»dagi ishonchli faoliyatini davom ettirayotgan Deyli Blindni hisobga olmaganda, boshqa biror etuk futbolchini ko'rsatish qiyin.
Gollandiyani voyaga etishidan ancha barvaqt tark etganlar esa, keragidan ko'p. Masalan, APLda munosib o'yin ko'rsatolmayotgan Memfis Depay, «Latsio» muxlislarining keskin qarshiligiga duch kelgan Uesli Xudt, «Xerenven»ni tark etgan Alfred Finibogason, Bas Dost va Mark Ut, «Vitess» vakili Marko van Ginkel xuddi bemavrid ko'chirib o'tqazilgan ko'chat singari o'zlariga kela olishmayapti.
Transfer bozori shunchalik jilovsiz bo'lib ketdiki, chempionshipning autsayderi ortiqcha qiyinchiliksiz «AZ» yoki «Tvente»ning etakchi o'yinchisini o'z safiga qo'shib olishi mumkin. Boz ustiga, arzimas mablag' evaziga. Futbolchilar sotuvidan katta daromad olish Gollandiyaga xos emas. Ular esa iloji boricha tezroq nomdor chempionatlarga o'tish ilinjidalar. Illat o'z asoratini namoyish etmoqda - Evrodan chetda qolgan terma jamoa bunga yaqqol misol. O'z vaqtida, «uchar golland» nomi bilan tanilgan jamoaning taqdiri hozirda faxriy Robben (32 yosh)ning o'yiniga bog'liq. Memfis Depay hozircha bu mas'uliyatni ko'tarolmaydi. Qolaversa, mamlakatda avlodlar almashinuvi ham izdan chiqqan. Vitslav Cherni, Stiven Berg Veyn va Rixayro Jivkovich kabi yoshlarni olg'a etaklaydigan futbolchilar yo'q. «Feyenoord»ni «sudrayotgan» Dirk Kyuyt bundan mustasno, albatta.
Gollandiya ijodkor murabbiyga muhtoj
4-3-3 taktik sxemani asosiy qurol qilib olgan Gollandiyada murabbiylar deyarli bir qolipda ishlashmoqda. Albatta, «lolalar yurti»dagi ayrim o'ziga xos mutaxassislarni e'tirof etmaslik adolatsizlikdir. Misol uchun, 2 yil «Bavariya»da Xosep Gvardioladan saboq olgan Erik Ten Xag «Utrext»ni erediviziyaning «qattiq yong'og'i»ga aylantirdi. Frank de Bur esa «Ayaks»da ko'hna uslubga alohida jilo baxsh etdi - «soxta to'qqizlik»ning gollandcha varianti Sim de Yong va Devi Klassen navbatma-navbat samarali to'p surishmoqda. Filipp Koku o'zining PSVsi bilan «Atletiko»ga qarshi bahsda 3 nafar markaziy himoyachi hisobiga yaxshi himoyalanishni Gollandiyada ham isbotladi.
Lui van Gal hamda marhum Kroyffning sa'y-harakatlari zoe ketmaganligi yaqqol ko'rinib turibdi. Biroq butun chempionat uchun atigi 3 nafar mutaxassis ozlik qiladi. Darvoqe, Marko van Bastenning bevosita rahnomoligida o'z malakasini oshirib borayotgan Yonvan der Brom ham «AZ»da muayyan siljishlarga erishdi. Ammo u mamlakat futboliga qandaydir yangilikni taklif eta oladigan taktik islohotchi emas, o'zining ruhshunoslik qobiliyati bilan yosh iqtidor sohiblarini yuzaga chiqarmoqda. Qolgan barcha murabbiylar ma'lum qonun va qoidalarga amal qilgan holda tirikchilik qilishmoqda. Zarurat tufayli ayrim o'zgarishlarga qo'l urishdan nariga o'tishmayapti. Sinash uchun tajriba sifatida «Feyenoord»dagi Jovanni van Bronkxorst bilan «Ekselsior» ustozi Alfons Grunendeykning o'rinlarini almashtirsak, deyarli hech narsa o'zgarmaydi. Chunki bu ikki murabbiy aksariyat kasbdoshlari kabi 4-3-3 sxemasiga yopishib olishgan, Lui van Galdek kutilmagan, qaltis eksperimentlarga qo'l urishmaydi. Ehtimol, murabbiy sohasidagi turg'unlikka gollandlarning konservativ tabiati sababdir.
«Ayaks» yoki «Feyenoord» mutasaddilari bosh murabbiy lavozimiga o'zlarining sobiq tarbiyalanuvchilari yoki pastroq saviyadagi mutaxassislarni, masalan, «AZ», «Tvente» vakillarini taklif etishadi. Hech qachon xorijiy mutaxassisga murojaat qilishmaydi. Chunki ularning ko'pchiligi o'zlarini xorijiy mutaxassislardan ustun qo'yadilar. Ana shu «qotib qolgan aqida»ni rad etishga o'zida kuch topa olgan ozsonli murabbiylar esa ma'lum darajada muvaffaqiyatga erishmoqdalar. Yuqorida zikr etilgan Ten Xag Xosep Gvardiola jamoalari andozasi asosida «Utrext»ni shakllantirdi. Natijada, jamoa chempionatda 5-pog'onada bormoqda, kubok musobaqalarida finalni qayd qilib qo'ydi.
Nazarimda, erediviziyaga xorijda etarli tajriba to'plagan murabbiylar etishmayapti. Hech bo'lmaganda bir nafar. To'g'ri shunday mutaxassis yo'q emas - o'z vaqtida Aleks Fergyuson va Karlo Anchelotti bilan yonma-yon ishlagan Yap Stam yozda «Ayaks» yoshlar jamoasini tark etib, «Villem-II»ni o'z boshqaruviga oldi. Aynan shu mutaxassisdan nostandard echimlar kutilmoqda. Oqim bilan suzadiganlar usiz ham etarli.
Gollandiyada klublar xazon bo'lmoqda
«Tvente»ning komadaligi hech kimga sir emas. KNVB tomonidan ko'rsatilayotgan muruvvat tufayli jamoa bazo'r nafas olib turibdi - u qarzlarni to'lash muddatini cho'zib berdi. Yop Minstermanning oliy darajadagi menejerlik faoliyati oqibatida «Tvente» o'tgan yili yoshlar va ayollar jamoalaridan voz kechgan, o'zi 90 mln. qarzga botib qolgandi. Qo'shimchasiga, jamoaning Douen Sports sarmoya kompaniyasi bilan imzolagan «antiqa» shartnomasi «dard ustiga chipqon» bo'ldi.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
410