O'zbekiston professional futbol ligasi Oliy liga 4-tur o'yinlarini boshqarib boradigan hakamlar ro'yxatini ma'lum qildi. Unga ko'ra, 9 aprel kuni Qo'qon shahridagi “Markaziy” o'yingohda bo'lib o'tadigan “Qo'qon-1912” – “Buxoro” uchrashuvini Hasan Ro'ziev boshchiligidagi hakamlar boshqarib boradigan bo'ldi. Ushbu hakam o'tgan yili ham 4-turda Qo'qondagi o'yinni boshqargan ekan. O'shanda jamoamiz o'z maydonida “Andijon” jamoasini qabul qilgandi. Umuman olganda, Ro'ziev o'tgan yili “Qo'qon-1912” jamoasi ishtirokidagi ikkita bahsni boshqarib borgan. Hasan Ro'ziev Oliy liga-2015 16-tur doirasidagi “Dinamo”ga qarshi bo'lib o'tgan bahsda ham ishlagan. Ushbu bellashuv ham Qo'qonda o'tgan. Demak, bu hakam uchinchi marta Qo'qonga tashrif buyurmoqda. Oliy liga. 4-tur. 9 aprel «Qo'qon-1912» (Qo'qon) – «Buxoro» (Buxoro)
Hakamlar: H. Ro'ziev (Toshkent), O. Abduvasilov (Toshkent), S. Shoyusupov (Toshkent), D. Muxtorov (Toshkent)
Nazoratchi: S. Najafaliev (Toshkent).
— deya xabar beradi uff.uz nashri.