“Barselona” jamoasi hujumchisi Luis Suares “Atletiko”ga qarshi (2:1) kechgan EChL chorak final dastlabki o'yinidan so'ng o'z fikrlari bilan o'rtoqlashdi. “Torresning chetlatilishi o'yin taqdiriga hal qilgani shubhasiz. U keraksiz ikkita qo'pollikni amalga oshirdi. Afsus, lekin teng tarkiblarda “Atletiko”ni mag'lubiyatga uchratish yaxshiroq bo'lardi. O'yin qiyin bo'lishini bilardik, shu sababdan ikkinchi golni kiritishga ham muvaffaq bo'ldik. Eng asosiysi biz g'alaba qozondik”, – deydi urugvaylik futbolchi. Eslatib o'tamiz, jamoalar o'rtasidagi javob o'yini “Visente Kalderon” stadionida bo'lib o'tadi. 
— deya xabar beradi uff.uz nashri.