O'zbekiston terma jamoasi va Ukraina chempionatining eng yaxshi to'purari Maksim Shatskix futbolchilik faoliyatini yakunlaganini ma'lum qildi.
37 yoshli Maksim Shatskix endi murabbiylik faoliyatini boshlaydi. U "Dinamo-1999" jamoasini boshqarayotgan Vitaliy Kosovskiyga yordamchilik qiladi.
"Murabbiylik faoliyati haqida anchadan beri o'ylab yurgan edim. Kichik jarohat olgach, futbolchilik faoliyatimni yakunlashga qaror qildim. Jarohatim u qadar jiddiy emas. Agar taklif kutadigan bo'lsam, yozgacha sabr qilish lozim edi. Biroq aniq taklif olmadim. Hozircha murabbiylikni o'rganaman va tajriba to'playman", — dedi u.
Shatskixning so'nggi ish joyi "Rux" klubi bo'lgan edi. U "Dinamo" tarkibida 1999-2009 yillarda harakat qilgan va 215 o'yinda 97 gol urgan. Kievning "Arsenal" jamoasida esa 85 o'yinda 22 gol kiritgan. U shuningdek, "Chernomorets", "Goverla" klublarida va Qozog'iston chempionatida ham to'p surgan.
Maksim O'zbekiston terma jamoasida 61 o'yinda maydonga tushgan va 34 gol kiritgan. U milliy terma jamoamizning eng sermahsul hujumchilaridan biri hisoblanadi.
— deya xabar beradi uff.uz nashri.