«Manchester Yunayted» yarim himoyachisi Adnan Yanuzay yoshlar jamoasi safida «Chelsi»ga qarshi kechgan uchrashuvda ishtirok eta olmadi. Yarim himoyachi oyog'ining orqa son qismidan jarohat olgan.
Hozircha jarohat qay darajada jiddiyligi xabar qilinmayapti. Yanuzay «Borussiya»dan ijaradar qaytib kelgach, «Manchester Yunayted» tarkibida 14 daqiqa maydonga tushdi, xolos. Shundan so'ng yoshlar jamoasiga o'tkazib yuborildi.
Yanuzay Lui van Gal qo'l ostida umumiy hisobda 12 uchrashuvda maydonga tushdi. Yarim himoyachi 2013/2014 yilgi mavsumda 19 uchrashuvni asosiy tarkibda o'tkazgan edi.
Eslatib o'tamiz, Yanuzayning «Manchester Yunayted» bilan shartnomasi 2018t yilning yoziga qadar davom etishi ko'zda tutilgan.

— deya xabar beradi uff.uz nashri.