«PSJ» hujumchisi Zlatan Ibrahimovich yana bir mavsum davomida parijliklar safida qolishga yaqin turibdi.
Shvetsiyalik hujumchi «PSJ»dagi holatidan xursand. U jamoada katta obro'ga ega. «PSJ»ga egalik qiladigan Qatardagi kompaniya Ibrahimovichning 12 million evrolik maoshini yana bir yil davomida to'lashga roziligini bildirdi. Ibrahimovich 2017 yilga qadar «PSJ» sharafini himoya qilib, so'ngra Qatar chempionatiga o'tib ketishi mumkin.
Agar Ibrahimovich JCh-2022 musobaqasining ramziy timsoli bo'lishga rozilik bildirsa, yana qo'shimcha 50 million evro ishlab oladi. Eslatib o'tamiz, hujumchining «PSJ» bilan amaldagi shartnomasi yozda yakuniga etadi. U joriy mavsum Frantsiya chempionatida 26 uchrashuvda 30 ta gol urib, 11 ta golli uzatmani amalga oshirgan.
— deya xabar beradi uff.uz nashri.