«Barselona» hujumchisi Luis Suares UEFA tomonidan Chempionlar ligasida haftaning eng yaxshi futbolchisi deb tan olindi.
Urugvaylik hujumchi 51 foiz ovoz to'plagan va «Volfsburg» yarim himoyachisi Yulian Drakslerni ortda qoldirgan. Bu futbolchi 19 foiz ovoz to'plagan.
Yana «Bavariya» yarim himoyachisi Arturo Vidal 16 foiz va «PSJ» hujumchisi Zlatan Ibrahimovich 14 foiz ovoz to'plashga muvaffaq bo'ldi. Eslatib o'tamiz, Luis Suares Chempionlar ligasi doirasida «Atletiko»ga qarshi kechgan bahsda ikkita gol urdi va 2:1 hisobidagi g'alabaga hissa qo'shdi.
Shu o'rinda ta'kidlab o'tish lozim, Suares ushbu uchrashuvda sariq kartochka ham olgan va agar hakam uning yana bir qo'polligini ko'rmay qolmaganda maydondan chetlatilishi ham mumkin edi.
— deya xabar beradi uff.uz nashri.