Madridning “Real” jamoasi bosh murabbiyi Zayniddan Zidan “Volfsburg”ga qarshi (0:2) EChL chorak final dastlabki o'yinida klub yarim himoyachisi Xames Rodrigesning kulib o'tirishiga o'z munosabatini bildirdi. “Bu holat Xamesga saboq bo'lib qolishi kerak. Uning bu qilig'i hech kimga yoqmadi. U istagan vaqtda diqqat markazida bo'lib qolishini tushunib etishi kerak. Shu o'rinda aytishim kerakki, ushbu voqeadan so'ng Xamesga bo'lgan munosabatim o'zgarmaydi”, – deydi Zidan. Eslatib o'tamiz, “Real” va “Volfsburg” o'rtasidagi javob o'yini 12-aprel kuni Madridda bo'lib o'tadi. 
— deya xabar beradi uff.uz nashri.