Oxirgi 100 yillikda futbol haqida qochirimli, kinoyali va shunchaki, dono fikrlar shu qadar ko'p yangradiki, deylik, britaniyalik jurnalist Fil Shou qalamiga mansub ijod namunasi («Eng yaxshi futbol iboralari») haligacha davomiylik kasb etmoqda va bu asar  10 martadan ko'proq chop qilindi, albatta, yangi-yangi fikrlar bilan to'ldirilgan holda.
Bugun e'tiboringizga Shou tanlagan va boshqa manbalardan saralab olingan eng o'tkir iboralarni havola etyapmiz. O'ylaymizki, buyuk murabbiylar va futbolchilar tomonidan turli vaqtlarda aytilgan va top-100 ko'rinishida berilayotgan mazkur to'plam barchani birdek qiziqtiradi. Hozircha Championat.com sayti saralagan to'plamning birinchi qismi (50ta sara fikr)ga marhamat...
1. - Mening asosiy maqsadim - «Liverpul»ni o'zi o'tirgan kemadan uloqtirish. Xuddi shunday yozinglar. Aleks Fergyuson.
2. - Jin ursin, bu futbol!» Aleks Fergyuson (ChL-1998|1999 finalida «Bavariya» ustidan qozonilgan g'alabadan so'ng).
3. - Yaxshi murabbiy bo'lish uchun yaxshi futbolchi bo'lish shart emas. Axir yaxshi chavandoz bo'lish uchun bungacha yaxshi ot bo'lganingiz talab etilmaydi-ku. Arrigo Sakki.
4.  - Futbol - bu hayot va o'lim masalasi emas. Uning ahamiyati yanada kattaroq. Bill Shenkli.
5. - Ko'kka intiling va siz shiftga etasiz. Bordiyu, shiftga intilsangiz, unda erda qolasiz. Bill Shenkli.
6. - Agar odamlar mening suv ustida yurganimni ko'rishsa, darrov gap tarqatishadi: «Berti Fogts hattoki, suzishni ham bilmaydi». Berti Fogts.
7. - O'zimni jahondagi eng yaxshi murabbiy sifatida aytolmayman. Lekin shubha yo'q, men top-1 ichidaman. Brayan Klaf.
8. - Rim bir kunda qad rostlamagan, negaki, men u erda ishlagan emasdim. Brayan Klaf.
9. - Futbolda bitta qonun bor: g'alaba futbolchilarniki, mag'lubiyat esa murabbiyniki. Vuyadin Boshkov.
10. - Futbol - oddiy o'yin. 22 kishi 90 daqiqa to'p ortidan yuguradi va yakunda nemislar g'alaba qozonishadi. Gari Lineker.
11. - Men o'sha taqdir hal etilgan kecha terma jamoa bazasida  Bekxem bilan birga edim. U  televizorda Spice Girlsni ilk marta ko'rib, menga shunday degandi: «Na kuylashni va na raqs tushishni bilmaydigan anavi qizni ko'ryapsanmi? Men unga uylanaman». Gari Nevill.
12. - Agar Gvardiola menga «Kamp Nou»ning yuqori  qavatidan sakrashni buyursa, «Ehtimol shunday qilish kerakdir»,-deb o'ylashim aniq. Dani Alvesh.
13. - Murabbiy ertaga ta'til kuni olishim mumkinligini aytdi.  Darren Anderton (faoliyatini tugatishidan oldingi o'yinda gol urganidan so'ng).
14. - Har bir zarbada o'ziga yarasha ma'nosi bo'lishi shart. Dennis Bergkamp.
15. - Bolaligingda gollar urasan. Keyin ulg'ayib, shunchalik ahmoqqa aylanasanki, darvozabon bo'lib qolasan. Janluiji Buffon.
16. - «V» seriyasida hozirgidan ko'ra, ko'proq ehtirosga berilardim. Buning uchun vaqt topilardi. Janluiji Buffon.
17. - Futbol murabbiylari - xuddiki, baliq. Ular vaqt o'tishi bilan sasiy boshlashadi. Jovanni Trapattoni.
18. - Agar 4 nafar futbolchini aldab o'tib,  «Liverpul» darvozasiga  30 metr uzoqlikdan gol urish yoki jahon go'zali bilan tanishishdan birini tanlashimga to'g'ri kelganida, boshim rosa qotardi. Yaxshiyamki, menga unisi ham, bunisi ham nasib etgan. Jorj Best.
19. - Devid Bekxem bosh bilan o'ynashni bilmaydi, chap oyoqda o'ynolmaydi, «podkat» qilolmaydi va kam gol uradi. U qolgan jihatlarda chakki emas. Jorj Best.
20. - O'yinga qancha vaqt qolganida sevgi haqida o'ylashim mumkin? Umuman, bir gal tanaffus chog'ida miyamga shu fikr kelgandi. Jorj Best.
Davomi InterFUTBOL gazetasi blogida.
— deya xabar beradi uff.uz nashri.