Angliya chempionati 33-turidan o'rin olgan “Sanderlend” va “Lester” klublari o'rtasidagi o'yin o'z yakuniga etdi. Unda 0:2 hisobi qayd etilib, “tulkilar” foydasiga hal bo'ldi. Dastlabki bo'limda hisob ochimadi va jamoalar tanaffusga 0:0 hisobida chiqib ketdi. Ikkinchi bo'limda mehmonlar hisobni ochishga muvaffaq bo'ldi. O'yinning 66 daqiqasida Jeymi Vardi raqib himoyasidagi bo'shliqdan foydalanib, hisobni ochdi. O'yin so'nggida Jeymi Vardi birga-bir vaziyatga chiqib, ikkinchi golni kiritib, jamoasiga muhim 3 ochkoni olib keldi. Mazkur g'alabadan so'ng, Klaudio Raneri shogirdlari ochkolar sonini 72 taga etkazib, peshqadamlikni mustahkamlab oldi. Angliya chempionati, 33-tur Sanderlend – Lester Siti 0:2
Gol: Vardi (66, 90)
Sanderlend – Mannone, Kone, Kirxgoff, van Anxolt, Kabul, Mvila (Roduell, 68), Kettermoul, Xazri (N’Doye, 68), Yedlin, Defo, Borini (Lens, 72).
Lester – Shmeyxel, Morgan, Fuks, Simpson, Xut, Kante, Drinkuoter, Olbrayton (Amartey, 85), Marez (Grey, 81), Okazaki (Uloa, 62), Vardi.
Ogohlantirishlar: Borini (21) – Fuks (30).
— deya xabar beradi uff.uz nashri.