“Real” jamoasi hujumchisi Krishtianu Ronaldu “Volfsburg”ga qarshi EChL chorak final javob o'yini oldidan o'z fikrlari bilan o'rtoqlashdi. “Seshanba kuni bizni ajoyib kecha kutib turibdi. U o'yin sehrli bo'ladi. Muxlislar daldasi ostida jamoamizning har bir futbolchisi o'zining eng yaxshi o'yinini ko'rsatadi va biz mag'lubiyatdan saqlanib qolamiz. “Volfsburg”ni 80 ming muxlis ko'z o'ngida mag'lub qilishing yagona yo'li – yaxshi o'yin ko'rsatishdir. Bo'lajak o'yinda har bir muxlisning qo'llab-quvvatlashini his qilishni xohlayman. Bu bizga katta yordam beradi”,  – deydi portugaliyalik futbolchi. Eslatib o'tamiz, EChL chorak final dastlabki o'yinida “Real” safarda “Volfsburg”ga 0:2 hisobida mag'lubiyatga uchragan edi. Javob o'yini 12 aprel kuni Madrid shahrida bo'lib o'tadi.  
— deya xabar beradi uff.uz nashri.