“Tottenxem” klubi bosh murabbiyi Maurisio Pochettino “Manchester Yunayted”ga (3:0) qarshi kechgan Angliya chempionatining 33-tur uchrashuvidan so'ng o'z fikrlarini bildirdi. “Men juda mamnunman. O'ylaymanki, “Tottenxem” ideal o'yin namoyish etdi. Jamoam haqli ravishda g'alaba qozondi. Men baxtliman. “Tottenxem” hamon chempionlik uchun kurashni davom ettirmoqda. “Lester” 7 ochkoga o'zib ketgan. Biz ishonishda davom etishimiz zarur. “Lester” o'z o'yinini yakunlaganda, oradagi farq 10 ochkoga etgandi. Qiyin bo'ldi, ammo biz o'z ishimizni a'lo darajada bajardik”, – deydi argentinalik mutaxassis.
— deya xabar beradi uff.uz nashri.