Madridning “Real” jamoasi bosh murabbiyi Zayniddin Zidan “Volfsburg”ga qarshi EChL chorak final javob o'yini oldidan o'z fikrlari bilan o'rtoqlashdi. “Oldinda bizni qiyin uchrashuv kutib turibdi. Raqibni 10-15 daqiqa ichida mag'lubiyatga uchrata olmaymiz. Ular bizga gol kiritsa, ahvolimiz yanada qiyinlashadi. Diqqat e'tiborni bir joyga jamlab, xotirjam o'yin ko'rsatishimiz kerak. Gollar kiritish uchun bir yarim soat vaqtimiz bor. Muxlislar esa sifatli o'yin ko'rishni istaydi. Ishonchim komil, biz aynan shunday o'yin ko'rsatamiz. Dastlabki uchrashuv natijasi vazifamizni qiyinlashtiradi, lekin shu bilan birga o'yinga joziba qo'shadi. Muxlislarimizni yaxshi ko'ramiz va ularning daldasini ilk daqiqalardan so'nggi soniyalargacha kutib qolamiz”, – deydi frantsiyalik mutaxassis. 
— deya xabar beradi uff.uz nashri.