Madridning “Real” jamoasi himoyachisi Pepe “PSJ”ga qarshi Chempionlar ligasi guruh bosqichining 3-tur bahsida ishtirok eta olmaydi. Portugaliyalik futbolchi “Atletik”ga qarshi uchrashuvda orttirib olgan jarohati tufayli 23 sentyabrdan buyon maydonga tusha olmayapti. Pepe Parij safariga yo'l olishi kutilayotgandi, biroq, shifokorlar jarohat yangilanib olinishi xavfi mavjud bo'lgani tufayli, maydoga qaytish muddatini cho'zib berishdi. Shu tariqa, 32 yoshli himoyachi “Las-Palmas”ga qarshi 31 oktyabrni bo'lib o'tadigan bahsga qadar maydonga tusha olmaydi. Eslatib o'tamiz, “PSJ” – “Real” bahsi 21 oktyabr kuni bo'lib o'tadi.
— deya xabar beradi uff.uz nashri.