«Paxtakor» klubi murabbiyi Grigoriy Kolosovskiy «Nasaf»ga qarshi kechgan uchrashuv haqida fikr bildirib o'tdi. Eslatib o'tamiz, uchrashuv 1:1 hisobida yakuniga etgan edi.
Grigoriy KOLOSOVSKIY (“Paxtakor” murabbiyi): - Bugun teng kuchli ikki jamoa o'ynadi. Ikkala jamoa ham durangdan qoniqmadi deb o'ylayman. Chempionlar ligasidagi uchrashuvdan so'ng ortga qaytish uchun bir sutka vaqtni ketkazdik. Yigitlarda biroz toliqish ham bo'ldi. Bugungi bir ochko oldik, demak, ishlashda davom etamiz. Biz g'alaba uchun o'ynadik.
Soliev mashg'ulotlar vaqtida o'zini yaxshi tomonlama ko'rsata oldi. Shu bois bizga gol kerak bo'lgani uchun uni maydonga tushirdik.
Iskanderov jamoamizning asosiy futbolchisi. Uning yo'qligi hujum uyushtirishda qiyinchilik tug'dirmoqda.
— deya xabar beradi uff.uz nashri.