Yakunlangan haftada O'zbekiston milliy terma jamoasi a'zolari to'p suradigan ayrim xorij mahalliy chempionatlarida navbatdagi tur o'yinlari bo'lib o'tdi. Qatar Qatarning “Al-Jaish” klubi sharafini himoya qiladigan O'zbekiston milliy terma jamoasi yarim himoyachisi Sardor Rashidov Qatar Yulduzlar Ligasi joriy mavsumi 5-tur uchrashuvida gol muallifiga aylandi. “Al-Garafa”ga qarshi uchrashuvda o'zbekistonlik futbolchi 71-daqiqada zahiradan maydonga tushidi. O'yinning asosiy vaqti yakunlanishiga uch daqiqa qolganida jamoasining ushbu uchrashuvdagi to'rtinchi goliga mualliflik qildi. O'yin 4:1 hisobida “Al-Jaish”ning foydasiga hal bo'ldi. O'tkazilgan 5 turdan keyin Sardor Rashidov faoliyat olib borayotgan klub chempionatning 4-o'rinida boryapti. Rossiya Dam olish kunlarida Rossiya chempionatining 12-tur o'yinlari o'tkazildi. Moskvaning “Lokomotiv” futbol klubida faoliyat yuritayotgan O'zbekiston milliy terma jamoasi himoyachisi Vitaliy Denisov jamoasining “Spartak”ga qarshi o'yinida ishtirok etdi. Denisov Moskva derbisida ilk daqiqalardan maydonga tushib, uchrashuvni to'liq o'tkazdi. Ushbu o'yin “Lokomotiv”ning 2:1 hisobidagi g'alabasi bilan yakunlandi. Bu g'alabadan keyin “temiryo'lchilar” to'plagan ochkolari soni 27taga etdi. Jamoa hozir Rossiya chempionati turnir jadvalida ikkinchi o'rinni egallab turibdi. Rossiyaning boshqa bir klubi — “Krasnodar” safida harakat qilayotgan Odil Ahmedov o'zining sobiq klubi — “Anji”ga qarshi uchrashuvda maydonga tushdi. Ushbu uchrashuv 2:2 hisobidagi durang natija bilan yakunlandi. Ahmedov uchrashuvni to'liq o'tkazdi. Bu o'yindan keyin “Krasnodar” to'plagan ochkolari soni 15taga etdi va jamoa turnir jadvalida 8-o'rinda bormoqda. Ukraina Ukraina chempionatida yakunlangan haftada 11-tur o'yinlari o'tkazildi. O'zbekiston milliy terma jamoasi a'zosi Sanjar Tursunov to'p tepadigan “Vorskla” jamoasi bu turda “Karpati” mehmoni bo'lib, 3:1 hisobidagi g'alaba bilan qaytdi. Tursunov ushbu uchrashuvda asosiy tarkibda maydonga tushdi va o'yinning asosiy vaqtiga qo'shib berilgan daqiqalarda almayshtirildi. Unga qadar Sanjar o'z jamoasining golliridan biriga hammualliflik qilgandi. Shuningdek, “Karpati” kiritgan yagona golda to'p Sanjarga tekkan holda “Vorskla” darvozasiga yo'l olgandi. BAA 16 oktyabr kuni Arab Ko'rfazi Ligasida ham navbatdagi, 5-tur o'yinlari bo'lib o'tdi. O'zbekiston milliy terma jamoasi markaziy yarim himoyachisi Aziz Haydarov o'ynaydigan “Ash-Shabob” klubi safarda “Al-Jazira” jamoasiga qarshi maydonga tushdi. Ushbuchrashuvda hisob ochilmadi. Haydarov esa o'yinni to'liq o'tkazdi. Hozirgi vaqtda “Ash-Shabob” 5 turdan keyin 9 ochko to'plagan holda turnir jadvalining 5-o'rinida bormoqda. Eron Eron chempionatida to'p suradigan O'zbekiston milliy terma jamoasiga nomzod futbolchi — Fozil Musaev yakunlangan haftada jamoasi “Sepahon” bilan “Siyoh” klubiga qarshi o'yinda maydonga tushdi. O'yin 1:1 hisobidagi durang bilan tugadi. Fozil Musaev esa uchrashuvning ilk daqiqalaridan boshlab harakat qildi va o'yinning 80-daqiqasida almashtirildi. “Sepahon” hozirda o'tkazilgan sakkiz turdan keyin 15 ochko to'plagan holda chempionat jadvalining 2-pog'onasidan joy olib turibdi. Fozil va jamoadoshlari chempionat peshqadami — “Istiqlol”dan ikki ochkoga ortda qolmoqda.
— deya xabar beradi uff.uz nashri.