Messi, Ronaldu va Neymar kabi zamonamizning eng yorqin yulduzlari o'z klublari bilan shartnoma kelishuviga ko'ra yiliga 20-30 million atrofida maosh oladilar. Ammo, hozirda barchani o'z pul miqdori bilan aqldan ozdirayotgan xitoyliklar o'rta darajadagi futbolchilarga ushbu summani qo'sh-qo'llab topshirib qo'yishyapti va bu bir tomondan achinarli tuyuladi, boisi pulga o'ch bo'lgan ko'pchilik futbolchilar buyuk va ulkan Evropa klublaridan taklif kelib tushganda o'z manzillarini Xitoy tomonga yo'naltirmoqdalar.
Endi qarangki, bu safar chin yurti vakillari xaddan oshdilar, desak mubolag'a bo'lmaydi, chunki  dunyo miqyosidagi yulduz bo'lmasin futbolchiga 70 million evroni xadya qilib yubormoqdalar. Ular bu yurishlari bilan baland dorga osilyaptilar. Ajablanarlisi shundaki, bunday aql bovar qilmas summani rad qilish – haqiqiy mardning jasurona qaroridir.
“Baland dorga osilishdi”, jumlasidan aniqlab olgan bo'lsangiz kerak, ushbu maqola mag'rur Zlatanga bag'ishlangan. Yoshiga qaramasdan haligacha “PSJ” klubida yuksak futbol namoyish etayotgan futbolchi xitoylik klubining 70 million evrolik taklifidan yuz o'girdi.
Hozirda Evropaning deyarli barcha top klubini og'irini engil qila oladigan shvetsiyalik mergan allaqachon qator grandlarning transfer maqsadlari ro'yhatida etakchilik qilmoqda. Ommabop Britaniya nashri The Telegraph ushbu sensatsion xabarni butun dunyoga yoydi va jahonni o'rnidan hayqitib yubordi. Balki, bu o'ziga xos hazildir, lekin ushbu summadan ajralishga tayyor turgan xitoyliklarga bunday so'z aytish yarashmaydi. Qandaydir ma'noda o'ziga xos bir savol tug'iladi. Nega Runidek futbolchiga 50 million taklif qilinsa-ku, undan betakrorlik bo'yicha ancha ilgarilab ketgan sobiq karate ustasiga 70 million ko'plik qiladi?
Bu fikr umuman olganda Zlatanga tegishli bo'ladi. Shuning uchun ham u boy ingliz klublariga kichik bir e'lonchani ayon qildi – yiliga Runi oladigan maoshdan ko'proq ishlab topish. Ushbu summa haftasiga 560 ming funt deylik, barcha turdagi soliqlarni ayirib tashalaganimizda sof foyda 300 ming funtga teng kelyapti. Ibragimovich o'zining fenomenal formasidan kelib chiqib ham yuqori summa talab qilyapti.
Tanlovda uyalish ketmaydi. Hattoki, uning oilasining fikriga ko'ra, barchasidan ko'ra Zlatan ko'proq mablag' topgani ma'qul. Bu holda u milliarder xitoyliklarning eng asosiy sportchisiga aylanadi va bunga hech kim ajablanishiga hojat qolmaydi. Axir u Messidan ham ko'proq maosh oladi va bunga har bir egoist rozi bo'lardi. Yoshi ham bunga sharoit yaratib beradi.
Davomi Penalti.uz blogida.
— deya xabar beradi uff.uz nashri.