2 aprel kuni kechki payt ishxonadan kelib bugun Italiyada qanaqa o'yinlar borakan deb sekiiiin uff.uz saytini tita boshladim. Xabarlarni yuqoridan pastga qarab varaqlab o'tirib, o'sha kuni o'tkaziladigan ko'ngilga o'tiradigan baxsni topa olmadim. Ispaniya chempionatigayam, el klassikosigayam simpatiyam yo'qligi sabab Angliya chempionatining “Arsenal”-“Uotford” o'yinini ko'rib qo'ya qolarman deb televizorni yoqsam “Match futbol” kanali bezrayib kabel haqini to'lab qo'ying deb turibdida. Bekorlarni beshtasini ebsan deb shartta “Uzreport” kanaliga ovordim. Qarasam sharh o'zbekcha ketyaptti. Cho'ta ya v hayrone bo'p turgandim titrda sharhlovchilar Davron Fayziev va Yoqubjon Bobojonov deb yozib qoldi.
Rahmatli Davlat aka Turdialiev, o'ziga xos ovoz sohibi Mirzahakim aka To'xtamirzaevlardan keyin o'zbek sharhlovchilari orasida o'zining ajoyib efirlari bilan ajralib turadigani Davron Fayzievni alohida maqtashga hojat yo'q. Shunday bo'lsada ham ikki og'iz gapiradigan bo'lsam, 5 ballik shkalada bu bolaga 6 ball qo'ysa bo'ladi. Ovozini vaziyatlarga qarab kontrol qilishiga ettiyam  ketvoraman ba'zida. O'zining maktabini yaratyapti shovvoz.
Yoqubjon Bobojonov. Xo'sh bu sharhlovchini qaerda eshitgan edim. Ha bo'ldi. Futbol o'yinlari paytida emas, futbolga bag'ishlangan ko'rsatuvlarda eshitganakanman. Nomiyam tanish. Albatta bu yigitni ham deyarli barcha futbolning haqiqish ishqibozlari jurnalist sifatida tanishadi. O'qimadim degan yolg'onchiyam kamida ikkita maqolasini o'qigan. Ishono'vring. Bu jurnalistni menga tanitgan maqola bu Alessandro Del Pieroning “Yuventus”dagi so'nggi xayrlashuv o'yiniga bag'ishlab yozilgan “Maestroning Keksa sinyora bilan xayrlashuvi” maqolasi edi. Shundan so'ng kuzatib boraman. Zo'r yozadi.
Xo'sh mavzu atrofida aylanib aylanib yana mavzuga qaytaman. O'sha “Uzreport” kanalida qo'yilayotgan “Arsenal”-“Uotford” o'yini. Davron Fayziev hamda Yoqubjon Bobojonov birgalikda ajoyib sharhlashdi. Davron aka o'yinga kirishib ketsa Yoqubjon aka statistika bilan tanishtirib turdi yoki aksincha. O'rischa sharhlarni ko'rvurib ko'rvurib o'zbekchani sog'inib qolganakanman maza qivordim. Yaxshi tandem bo'libti. Menimcha “Uzreport” kanali Yoqubjon Bobojonov timsolida yana bir saviyali (hozirda saviya sharhlovchilarimiz orasida yuqoridan pastga qarab erkin qush misol parvoz qilmoqda) sharhlovchini bizlarga sovg'a qilmoqchi. Ofarin deymiz. 2-3 marta ularning sharhini kuzatgach ushbu qoralamachani yozishga qaror qildim. Kecha “Tottenhem”-“Manchester Yunayted” o'yini ushbu sharhlovchining mahorati 2-3 ta o'yinning o'zida ancha oshayotganini ko'rsatib berdi.
Yoqubjon Bobojonovdan iloji boricha ko'proq ushbu sohaning siru-asrorlarini Davron Fayzievdan o'rganishini so'rab qolaman. Shunda bizning futbol muxlislari ham bemalol tanlab-tanlab o'ziga yoqqan sharhlovchilarning efirlarini maza qilib tomosha qilishardi.
“Uzreport” telekanaliga ushbu boshlagan ishi hayrli bo'lishini tilab qolaman.
Oddiy futbol muxlisi Komron Alisherzoda.
— deya xabar beradi uff.uz nashri.