Madridning «Real» jamoasi «Volfsburg»ga qarshi chorak final javob o'yinida 3:0 hisobida zafar quchib, yarim finalga chiqdi. Dastlabki o'yinda madridliklar 0:2 hisobida imkoniyatni boy bergandi. Shu tariqa, «Real» EChL tarixida safarda uchralgan 0:2 hisobidagi mag'lubiyatdan qutilib, pley-off bahslarining keyingi bosqichiga yo'l olgan  uchinchi jamoa bo'ldi. Avvalroq bunday natijaga «Barselona» va «Manchester Yunayted» klublari erishgan. Kataloniyaliklar 2012/13 yilgi mavsumda EChLning nimchorak final ilk o'yinida «Milan»ga 0:2 hisobida mag'lub bo'lib, javob o'yinida 4:0 hisobida zafar quchgan. 2013/14 yilgi mavsumda esa EChLning nimchorak finalida «Manchester Yunayted» safarda «Olimpiakos»ga 0:2 hisobida yutqazib, javob o'yinida 3:0 hisobida muvaffaqiyat qozongan edi. 
— deya xabar beradi uff.uz nashri.