Angliyaning “Liverpul” jamoasi rahbariyati klub hujumchisi, ayni damda “Milan” safida ijara asosida to'p surayotgan Mario Balotellini kelayotgan yozda sotib yubormoqchi. Bu haqida Daily Mail xabar bermoqda. Manbaning ta'kidlashicha, mersisaydliklar nafaqat o'yinchining o'zidan, balki uning olayotgan katta miqdordagi maoshidan norozi. Italiyalik futbolchining haftalik maoshi 90 ming evroni tashkil qiladi. Uni ijaraga olgan milanliklar unga 70 ming, qolganini esa “Liverpul” to'laydi. Mario Balotellini qo'lga kiritish uchun Xitoy Superligasi vakillari harakat qilmoqda. Agar “Liverpul” u bilan shartnomani bekor qilsa, 4,5 mln evro miqdorida badal puli to'lashi kerak bo'ladi. Joriy mavsumda Balotelli “Milan” safida 18 o'yinda maydonga tushib, 3 ta gol kiritish uddasidan chiqqan. 
— deya xabar beradi uff.uz nashri.