Albatta, inglizlar va betakror Klopp qo'l ostidagi nemislar dueli barchaning e'tiborini tortmasdan iloji yo'q. Dastlabki uchrashuvda ikkala tomon ham o'zlarining ustunliklarini ko'rsatishdi va natijada mersisaydliklar uchun qo'l keladigan jangovor durang qayd etildi.
Endi hozir biz sizlarga ushbu jamoalar safidagi bir qator o'yin taqdirini hal qilib qo'ya oladigan mohir futbolchilarni e'tiboringizga havola etamiz.
Genrix Mhitaryan (pleymeyker, “Borussiya D”)
“Borussiya D” tarkibida armanistonlik xavbek Genrix Mhitaryandan ko'ra boshqa biron-bir barqaror ijrochi topilmaydi. Gol va assistentlik bobida u doim katta sahnaga yo'l oladi. U maydonda o'ta ma'suliyatli xavbek vazifasini bajaradi va nemislar ustozi Tuhelning eng sevimli shogirdlaridan hisoblanadi. O'z yurtining “Messi”si kelasi yozda Turinning “Yuventus” safida ham paydo bo'lishi mumkin, boisi “keksa sinyora” ushbu futbolchini uzoq muddatdan beri kuzatib kelyapti. Xullas, pleymeyker Donetskda uzoq yo'llarni bosib keldi va Dortmund esa bundan mustasno. Ko'ramiz, yaqin oylarda voqealar qanday tus olar ekan.
Roberto Firmino (pleymeyker, “Liverpul”)
Yaqindagina jarohatidan oyoqqa turgan Firmino allaqachon “Enfild” e'tiborini qozonishga ulgurdi. 8 gol bilan jamoasining to'purari Dortmundda mohirligini ko'rsata olmagan bo'lsa ham “Enfild”da bunga barcha imkoniyatlar mavjud. Ajablanarlisi shundaki, braziliyalik futbolchi juda qisqa muddatda ingliz futboliga o'rnashib oldi. EL da natijalari o'ta yorqin bo'lmasa ham Firminoda futbolda mavjud bo'lishi darkor bo'lgan barcha hislatlar bor. Endi esa, mersisaydliklar uchun mavsum o'yinini jamoasi uchun hal qilib berishi kutiladi.
Pier-Emerik Obameyang (hujumchi, “Borussiya D”)
Afrika qit'asining tengsiz futbolchisi va hamda Evropaning eng samarali forvardlaridan biri e'tiboringiz markazida . Gabonlik futbolchi  “Liverpul”ga qarshi uchrashuvda o'zini biron-bir jihatdan ko'rsata olmadi. Tez orada “Real”ga ko'chib o'tishi kutilayotgan to'purarning nihoyat darajadagi ko'p golida sodiq sheriklari Roys va Mhitaryanlarning hissalari katta. Shunday bo'lsa ham, Obameyang nemis afsonasi Gerd Myullerning rekordini takrorlay olmasligi muqarrar. Qolgan turlarda u 17 gol urishga ulgura olmaydi. Xullas, “Enfild”dagi bahsda unga oson bo'lmaydi va qolaversa, dortmundliklarning ham yarim finalga chiqish imkoniyatlari yuqori baholanmayapti.
Felippe Koutino (pleymeyker, “Liverpul”)
Nafaqat “Liverpul”ning, balki Evropaning eng iqtidorli futbolchilaridan biri Felippe Koutinyo dastlabki uchrashuvda yuqori darajadagi futbol namoyish etdi va raqib himoyasini tez-tez larzaga solib turdi. “O'zining betakror zarbasi bilan ajralib turadigan pleymeyker yakshanba kuni “Stok Siti”ga qarshi o'yinda maydonda qayd etilmadi va ko'rinib turibdiki, kelasi bahsga jiddiy tayyorgarlik ko'ryapti. Uni jamoada saqlab qolish uchun mersisaydliklar bor kuchlarini ishga solishlari tabiiy.
Davomi Penalti.uz blogida.
— deya xabar beradi uff.uz nashri.