Evropa chempionlar ligasi chorak final javob o'yinida Madridning “Ateltiko” jamoasi o'z maydonida “Barselona”ga qarshi bahs olib bordi. Unda 2:0 hisobi qayd etilib, madridliklar foydasiga hal bo'ldi. O'yin anchagina qiziqardi, murosasiz va ehtiroslarga boy tarzda kechdi. Uchrashuvning 36 daqiqasida Antuan Grizmann jamoadoshining zargarona uzatmasidan so'ng to'pni boshi bilan ter Shtegen qo'riqlayotgan darvoza tomon yo'lladi va hisobni ochdi. Ikkinchi bo'limda kataloniyaliklar katta ustunlikka ega bo'ldi, ammo 88 daqiqaga kelib Andres Inesta o'z jarma maydonchasida qo'li bilan o'ynadi va “Barselona” darvozasi tomon penalti belgilandi. To'p oldiga kelgan Antuan Grizmann mo'ljalda adashmadi va hisobni 2:0 ko'rinishiga olib keldi. O'yin yakuniga etay degan bir vaqtda Gabi o'z jarima maydonchasida qo'li bilan o'ynadi, biroq hakam vaziyatni to'g'ri baholay olmadi va jarima zarbasini belgiladi. Messi jarima zarbasini noaniq bajardi va ikki o'yin natijasiga ko'ra “Atletiko” yarim finalga chiqdi. EChL, 1/4 final. Javob uchrashuvi Atletiko Madrid (Ispaniya) – Barselona (Ispaniya) 2:0
Gollar: 1:0 – 36 Grizmann, 2:0 – 88, penalti Grizmann.
Atletiko – Oblak, Lyuka Ernandes, Filipe Luis, Xuanfran, Godin, Ferreyra Karrasko (Tomas, 74), Koke, Saul, Fernandes (Savich, 90), Grizmann (Korrea, 90), Gabi.
Barselona – ter Shtegen, Pike, Alba, Dani Alves (Serdji Roberto, 64), Buskets, Rakitich (Turan, 64), Maskerano, Inesta, Neymar, Messi, Suares.
Ogohlantirishlar: Gabi (68), Suares (70), Neymar (76), Godin (85), Inesta (87), Korrea (90), Koke (90), Turan (90).
Dastlabki uchrashuv: 1:2
— deya xabar beradi uff.uz nashri.