Angliyaning “Manchester Yunayted” klubi yarim himoyachisi Xuan Mata Chempionlar ligasi guruh bosqichining 3-turidan o'rin olgan Moskvaning TsSKA jamoasiga qarshi kechadigan safar uchrashuvi oldidan o'z fikrlarini bildirdi. “Biz diqqatimizni allaqachon Chempionlar ligasiga qaratganmiz. Bilasizmi, bu biz uchun juda muhim bo'lgan turnir. Biz ikki o'yindan so'ng uch ochko to'pladik, Moskvada bo'ladigan o'yin jamoa uchun xal qiluvchi bo'lishi mumkin. TsSKA ustidan qozonilgan g'alaba qolgan uchta o'yin oldidan bizga kuch bag'ishlagan bo'lardi. Menga TsSKA bilan kechgan avvalgi o'yinda “Yunayted”ning g'alaba golini Antonio Valensiya kiritgan, deb aytishgandi. Biz undan buning sirini aytishni iltimos qilamiz, ahir TsSKA bu mavsumda saralash bosqichida ham, guruh bosqichida ham o'z uyida mag'lubiyatga uchramagan”, - deya Mataning so'zlarini keltiradi "MYu" rasmiy sayti.
— deya xabar beradi uff.uz nashri.