Frantsiya futbol federatsiyasi prezidenti Noel Le Gre "Real" hujumchisi Karim Benzema nima sababdan Evropa chempionatida ishtirok etish uchun Frantsiya terma jamoasiga chaqirilmaganini izohlab o'tdi.
"O'zingiz ham tushunib turganingizdek, bu juda qiyin qaror bo'ldi. Bu haqida avval ham bir necha bor aytganman. Benzema menga futbolchi sifatida juda yoqadi. Ammo u Evropa chempionatiga borib juda yaxshi o'ynasa, hamma Benzemaning muvaffaqiyatini gapiradi. Yomon o'ynasa esa, "Benzema yomon o'ynadi", deyishadi. Men esa terma jamoa haqida gapirishlarini istayman.
Endi boshqa futbolchilarga e'tibor qaratish vaqti keldi. Ayni vaqtda Frantsiya terma jamoasida juda yaxshi ichki muhit bor. Shu sababli tavakkalga yo'l qo'yishni istamaymiz. Vaqti kelganda menga yuborilgan Benzema bilan bog'liq irqchilik ruhiyatidagi xatlarni hammaga ko'rsataman. Baxtimga o'zim ham ularning hammasini o'qimaganman", - deydi mutasaddi.
Eslatib o'tamiz, dekabr oyida Benzema "Lion" yarim himoyachisi Mate Valbuenaga nisbatan qilingan ta'magirlik ishiga bosh qo'shganlikda ayblanib, terma jamoadan chetlatilgan edi.
— deya xabar beradi uff.uz nashri.